حالىقتىڭ تابىسى ءوسۋى ءۇشىن، ونەركاسىپتى دامىتۋدى قولداۋ ماقساتىندا پەتيسيا جاريالاندى، - دەپ حابارلايدى Dalanews.kz.

پەتيسيا اۆتورلارىنىڭ سوزىنشە، قازىرگى زاماندا ەكونوميكالىق تۇراقتىلىق وتە ماڭىزدى.

"ءبىز، قازاقستان ازاماتتارى ەلىمىزدەگى جەرگىلىكتى ءوندىرىستى بەلسەندى دامىتۋعا قاتىستى تومەندەگى قول قويىلعان پەتيسيانى قولدايمىز. كۇشتى جانە ءارالۋان ەكونوميكا عانا بارشامىزعا تۇراقتى جانە گۇلدەنگەن بولاشاقتى قامتاماسىز ەتە الاتىندىعىنا سەنىمدىمىز. سونداي-اق، مەملەكەتىمىزدىڭ ەكونوميكالىق تاۋەلسىزدىگىن نىعايتاتىندى دەپ سەنەمىز. نەلىكتەن ءقازىر بۇل ماڭىزدى:

• "ەكونوميكالىق تۇراقتىلىق": مۇناي مەن رەسۋرستارعا تاۋەلدىلىكتى ازايتۋ ءبىزدىڭ ەكونوميكامىزدى نىعايتادى جانە ونى تۇراقتى ەتەدى.
• "كوبىرەك جۇمىس ورىندارى مەن وندىرىستەر": جاڭا زاۋىتتار مەن فابريكالار قۇرۋ ءبىزدىڭ ازاماتتارىمىز ءۇشىن مىڭداعان جۇمىس ورىندارىمەن قامتاماسىز ەتەدى. قازاقستاندىقتارعا وتاندىق ازىق-تۇلىك ونىمدەرىن، ۇيلەردى، اۆتوموبيلدەردى، دارى-دارمەكتەردى ساتىپ الۋعا مۇمكىندىك بەرەدى، ىشكى نارىقتى ءوز تاۋارلارىمەن قامتاماسىز ەتەدى.
• "كىرىستى ارتتىرۋ": جەرگىلىكتى ءوندىرىستى دامىتۋ لايىقتى جالاقىمەن قامتاماسىز ەتۋ جانە ءومىر ءسۇرۋ ساپاسىن جاقسارتۋ ارقىلى ءار وتباسىنىڭ تابىسىن ارتتىرادى. ءاربىر ءوندىرىس - بۇل ەڭبەك ادامدارى، ياعني وتباسىلار مەن بالالار.
• "جاڭا مۇمكىندىكتەر": جەرگىلىكتى ءوندىرىس ۇكىمەت قولداۋى ءتيىس ەكونوميكانىڭ جاڭا سەكتورلارىن دامىتا وتىرىپ، كاسىپكەرلىك پەن يننوۆاسيالار ءۇشىن جاڭا مۇمكىندىكتەر اشادى.
• "قاۋىپسىزدىك جانە ەكولوگيا": تاۋارلار مەن ماتەريالداردىڭ جەرگىلىكتى ءوندىرىسىن ىنتالاندىرۋ حالىق ءۇشىن ءقاۋىپسىز جانە ەكولوگيالىق تازا ورتانى قۇرۋعا ىقپال ەتەدى. جاڭا تەحنولوگيالاردى قولداۋعا ىشكى نارىقتى ءقاۋىپتى ونىمدەردەن قورعاۋ شارالارىنىڭ ارقاسىندا قول جەتكىزۋگە بولادى.
• "نەگىزگى سالالاردى دامىتۋ": بۇگىندە ءبىز ءتىپتى اۋىل شارۋاشىلىعى ونىمدەرى بويىنشا دا ءوزىمىزدى قامتاماسىز ەتە المايمىز. ءسۇت ونىمدەرى، ەت، فارماسيەۆتيكا، مەتاللۋرگيا، ماشينا جاساۋ، اۆتوموبيل جاساۋ سياقتى سالالاردا يمپورتتىڭ جوعارى ۇلەسىنە قاراماستان ءوسۋدىڭ زور الەۋەتى بار. بۇل سەكتورلاردى دامىتۋ ءبىزدى ساپالى جانە ءقاۋىپسىز ونىمدەرمەن قامتاماسىز ەتەدى، ەلىمىزدىڭ تاۋەلسىزدىگىن ارتتىرادى جانە ءاربىر ازاماتتىڭ ءومىرىن جاقسارتادى.

پروتەكسيونيزمنىڭ قاتاڭ شارالارىن ەنگىزۋ جانە وتاندىق بيزنەستى قولداۋ - بۇل بارلىق دامىعان الەمدىك دەرجاۆالاردىڭ كەڭ تارالعان جانە ءتيىمدى تاجىريبەسى. ەشكىم ءوزىنىڭ ەكونوميكالىق تاۋەلسىزدىگىن بىرەۋدىڭ جەكە مۇددەلەرى ءۇشىن بەرمەيدى. اقشا ەل ىشىندە قالۋى كەرەك! ءبىز ۇكىمەتكە ءبىزدىڭ ەلىمىزدىڭ اۋماعىنا تاۋارلاردىڭ كولەڭكەلى يمپورتىنا توسقاۋىل قويۋ كەدەرگىلەرىن كۇشەيتۋگە جانە وتاندىق ءوندىرىستى قولداۋ جونىندەگى شارالاردىڭ تيىمدىلىگىن ارتتىرۋعا شاقىرامىز! ءبىز ۇكىمەتتى جەرگىلىكتى ءوندىرىستى دامىتۋ جونىندەگى سالاۋاتتى باستامالاردىڭ جاعىنا شىعۋعا، وسى سالاعا ينۆەستيسيالار تارتۋ ءۇشىن قادامداردى ەنگىزۋگە، كوتەرمەلەۋگە جانە وتاندىق كاسىپورىنداردىڭ ءوسۋى ءۇشىن قولايلى جاعدايلار جاساۋعا شاقىرامىز. بارلىعى ورتاق ىسكە قوسقان ۇلەسىن ماقتان تۇتاتىن جانە ءوز ەڭبەگى ءۇشىن لايىقتى سىياقى الاتىن كۇشتى جانە تاۋەلسىز قازاقستاندى بىرگە قۇرايىق. ەگەر ءسىز قازاقستاندى گۇلدەنگەن جانە تۇراقتى، تابىسى جوعارى جانە بارلىعىمىز ءۇشىن جاڭا مۇمكىندىكتەرمەن كورگىڭىز كەلسە، وسى پەتيسياعا قول قويىڭىز!" - دەپ ءۇن قاتتى ولار.