استانادا كونستيتۋسيالىق رەفورما جونىندەگى كوميسسيانىڭ العاشقى وتىرىسى ءوتىپ جاتىر، دەپ حابارلايدى Dalanews.kz.
ەرجان جيەنبايەۆتىڭ سوزىنشە، قازاقستاننىڭ حالىق كەڭەسى قازاقستان حالقى اسسامبلەياسى مەن ۇلتتىق قۇرىلتايدىڭ ستراتەگيالىق فۋنكسيالارىن ورىنداۋدى جالعاستىرادى.
ۇلتتىق قۇرىلتايدىڭ بەسىنشى وتىرىسىندا مەملەكەت باسشىسى «بىرنەشە جىل بويى مۇقيات قالىپتاستىرىپ كەلە جاتقان ساياسي قۇرىلىمنىڭ ۇيلەسىمدى ءتۇيىنى» رەتىندە تاريحي ءارى ماڭىزدى ۇسىنىس ايتتى. پرەزيدەنت ءبىرقاتار ەلدەردە بار ۆيسە-پرەزيدەنت ينستيتۋتىن ەنگىزۋدى ۇسىندى. مەملەكەت باسشىسىنىڭ ءوزى اتاپ وتكەندەي، «ءبىزدىڭ جاعدايىمىزدا بۇل لاۋازىمدى ەنگىزۋ مەملەكەتتى باسقارۋ پروسەسىن تۇراقتاندىرادى.
سونداي-اق بيلىك يەرارحياسىن ءبىرجولا ايقىنداپ بەرەدى». سونىمەن قاتار رەفورمالاردىڭ جاڭا كەزەڭىندە قوعام دامۋىنىڭ بارلىق ماسەلەسىنە قاتىستى تۇراقتى جالپىۇلتتىق ديالوگ جۇرگىزۋ ءۇشىن اۋقىمدى پلاتفورما رەتىندە قازاقستاننىڭ حالىق كەڭەسىن قۇرۋ ۇسىنىلدى. اتالعان ورگان حالقىمىزدىڭ ىنتىماق-بىرلىگىن نىعايتۋعا ىقپال ەتەتىن نەگىزگى قوعامدىق-ساياسي بىرلەستىكتەر مەن قۇرىلىمداردى قوسىپ، قازاقستان حالقى اسسامبلەياسى مەن ۇلتتىق قۇرىلتايدىڭ ستراتەگيالىق فۋنكسيالارىن ورىنداۋدى جالعاستىرادى. وسى ەكى ماڭىزدى ينستيتۋت بويىنشا نەگىزگى ەرەجەلەر كونستيتۋسيا دەڭگەيىندە ءتيىستى رەگلامەنتتەۋدى تالاپ ەتەدى.
