اقش پەن قىتاي اراسىندا ٶتكەن جوعارى دەڭگەيدەگٸ كەلٸسسٶزدەر نەتيجەلٸ بولدى. تاراپتار ساۋدا-ەكونوميكالىق ىنتىماقتاستىق پەن جاساندى ينتەللەكت (جي) سالاسىنداعى ٶزارا ٸس-قيمىل مەسەلەلەرٸن تالقىلادى, دەپ حابارلايدى dalanews.kz.
اقش-تىڭ قارجى مينيسترٸ سكوتت بەسسەنتتٸڭ ايتۋىنشا, كەلٸسسٶزدەر بارىسىندا جاساندى ينتەللەكت سالاسىنداعى ىنتىماقتاستىقتى دامىتۋعا باعىتتالعان جاڭا تەتٸك قۇرۋ مەسەلەسٸ قارالعان.
«بۇل باستاما “اقش–قىتاي جي ديالوگى” دەپ اتالادى. اقش ەكٸ ەل اراسىندا ٶزارا حاباردار ەتۋ مەحانيزمٸن ەنگٸزۋدٸ ۇسىندى. سونىمەن قاتار بٸز ماقساتتار مەن ىقتيمال قاۋٸپ-قاتەرلەرگە قاتىستى ورتاق كٶزقاراس قالىپتاستىرۋدى كٶزدەيمٸز», – دەدٸ بەسسەنت.
قىتاي مەن اقش اراسىنداعى ساۋدا-ەكونوميكالىق كەلٸسسٶزدەر نيۋ-يورك قالاسىندا ٶتتٸ. قىتاي مەملەكەتتٸك كەڭەسٸنٸڭ ۆيتسە-پرەمەرٸ حە ليفەن تاڭەرتەڭ JPMorgan Chase كومپانيياسىنىڭ نيۋ-يوركتەگٸ شتاب-پەتەرٸنە كەلٸپ, وندا سكوتت بەسسەنتپەن كەزدەستٸ.
كەزدەسۋ وسى اپتاعا جوسپارلانعان ەكٸ ەل كٶشباسشىلارىنىڭ سامميتٸ قارساڭىندا ۇيىمداستىرىلدى. Bloomberg اگەنتتٸگٸنٸڭ مەلٸمەتٸنشە, اقش پرەزيدەنتٸنٸڭ بيىل مامىر ايىندا بەيجٸڭگە جاساعان ساپارى الدىندا دا بەسسەنت پەن حە ليفەن كەلٸسسٶز جٷرگٸزگەن. ول كەزدەسۋ وڭتٷستٸك كورەيانىڭ سەۋل قالاسىندا ٶتكەن بولاتىن.
ساراپشىلاردىڭ پٸكٸرٸنشە, ۆاشينگتون مەن بەيجٸڭ اراسىنداعى ديالوگتىڭ جالعاسۋى ەلەمدٸك ەكونوميكا مەن تەحنولوگييالىق سالالارداعى تۇراقتىلىق ٷشٸن ماڭىزدى قادامداردىڭ بٸرٸ سانالادى.
