اقش، ەۋروپالىق وداق جانە جاپونيانىڭ سانكسيالىق تىزىمىنە ەنگەن قازاقستاندىق Da Group 22 كومپانياسى ءالى كۇنگە دەيىن تاراتىلعان جوق، دەپ حابارلايدى Dalanews.kz Informburo.kz-كە سىلتەپ.
10 قاڭتاردا جاپونيا ۇكىمەتى رەسەيگە قارسى سانكسيالاردى كەڭەيتكەنى بەلگىلى بولدى. ەلدىڭ سىرتقى ىستەر مينيسترلىگىنىڭ مالىمەتىنشە، سانكسيالىق تىزىمگە استانادا تىركەلگەن Da Group 22 ج ش س ەنگەن. ەكسپورتتىق شەكتەۋلەر قىتايدىڭ 18، تۇركيانىڭ 8، قىرعىزستاننىڭ 2، سونداي-اق تايلاند پەن باا-دەن ءبىر-بىر كومپانياعا ەنگىزىلدى.
2024 جىلدىڭ اقپان ايىندا Da Group 22 كومپانياسى رەسەيگە كومەكتەسكەنى ءۇشىن اقش-تىڭ سانكسيالىق تىزىمىنە، ال سول جىلدىڭ ماۋسىمىندا ەۋرووداقتىڭ 14ء-شى سانكسيالىق پاكەتى اياسىندا شەكتەۋلەرگە ىلىككەن بولاتىن.
«كومپانيانىڭ تاراتىلۋى – بۇل قۇرىلتايشىلاردىڭ شەشىمى. قازىرگى تاڭدا سالىق ورگاندارى تاراپىنان ءماجبۇرلى تۇردە تاراتۋعا نەگىز جوق. ەرiكتi تۇردە تاراتۋ ماسەلەسi بويىنشا كومپانيانىڭ قۇرىلتايشىلارىنا جۇگىنۋ قاجەت»، – دەپ اتاپ ءوتتى مەملەكەتتىك كىرىستەر كوميتەتى.
كوميتەت سانكسيالار كومپانيانى ماجبۇرلەپ تاراتۋعا نەگىز بولمايتىنىن ناقتىلادى.
ساۋدا مينيسترلىگى Da Group 22 كومپانياسى 2024 جىلدىڭ مامىر ايىنان باستاپ قىزمەتىن جۇزەگە اسىرماعانىن، الايدا ءالى دە ارەكەت ەتەتىن كومپانيا رەتىندە تىركەلگەنىن مالىمدەدى.
Statsnet.co سايتىنىڭ مالىمەتىنشە، كومپانيا 2022 جىلدىڭ ناۋرىزىندا قۇرىلعان جانە ەلەكتروندى، تەلەكوممۋنيكاسيالىق جابدىقتاردىڭ كوتەرمە ساۋداسىمەن اينالىساتىن شاعىن كاسىپورىن بولىپ تابىلادى.
