AQSh, Eýropalyq Odaq jáne Japoniianyń sanktsiialyq tizimine engen qazaqstandyq Da Group 22 kompaniiasy áli kúnge deiin taratylǵan joq, dep habarlaidy Dalanews.kz Informburo.kz-ke siltep.
10 qańtarda Japoniia úkimeti Reseige qarsy sanktsiialardy keńeitkeni belgili boldy. Eldiń Syrtqy ister ministrliginiń málimetinshe, sanktsiialyq tizimge Astanada tirkelgen Da Group 22 JShS engen. Eksporttyq shekteýler Qytaidyń 18, Túrkiianyń 8, Qyrǵyzstannyń 2, sondai-aq Tailand pen BAÁ-den bir-bir kompaniiaǵa engizildi.
2024 jyldyń aqpan aiynda Da Group 22 kompaniiasy Reseige kómekteskeni úshin AQSh-tyń sanktsiialyq tizimine, al sol jyldyń maýsymynda Eýroodaqtyń 14-shi sanktsiialyq paketi aiasynda shekteýlerge ilikken bolatyn.
«Kompaniianyń taratylýy – bul quryltaishylardyń sheshimi. Qazirgi tańda salyq organdary tarapynan májbúrli túrde taratýǵa negiz joq. Erikti túrde taratý máselesi boiynsha kompaniianyń quryltaishylaryna júginý qajet», – dep atap ótti Memlekettik kirister komiteti.
Komitet sanktsiialar kompaniiany májbúrlep taratýǵa negiz bolmaitynyn naqtylady.
Saýda ministrligi Da Group 22 kompaniiasy 2024 jyldyń mamyr aiynan bastap qyzmetin júzege asyrmaǵanyn, alaida áli de áreket etetin kompaniia retinde tirkelgenin málimdedi.
Statsnet.co saitynyń málimetinshe, kompaniia 2022 jyldyń naýryzynda qurylǵan jáne elektrondy, telekommýnikatsiialyq jabdyqtardyń kóterme saýdasymen ainalysatyn shaǵyn kásiporyn bolyp tabylady.
