جەتىسۋ وبلىسى كەربۇلاق اۋدانىنىڭ پروكۋراتۋراسى ءبىلىم ءبولىمى بۋحگالتەرلەرىنىڭ بيۋدجەت قاراجاتىن ۇرلاۋ فاكتىسىن انىقتادى، - دەپ حابارلايدى Dalanews.kz وبلىستىق پروكۋراتۋراعا سىلتەپ.
2021-2023 جىلدار ارالىعىندا ءبىلىم ءبولىمىنىڭ ءۇش بۋحگالتەرى ءبىلىم بولىمىندە جۇمىس ىستەمەيتىن ادامدارعا زاڭسىز جالاقى مەن ەڭبەك دەمالىسى جاردەماقىسىن اۋدارعان.
كەلتىرىلگەن شىعىن - 34 ملن تەڭگە.
وسى فاكتى بويىنشا وبلىس پروكۋراتۋراسى تەرگەۋ جۇرگىزىپ، ناتيجەسىندە قىلمىستىق كودەكستىڭ 190-بابىنىڭ 4-بولىگى 2-تارماعى (الاياقتىق) بويىنشا قىلمىستىق ءىس سوتقا جولداندى.
سوت ۇكىمىمەن بۋحگالتەرلەر قىلمىستىق كودەكستىڭ 63-بابى (شارتتى تۇردە سوتتاۋ) بويىنشا 5 جىل 6 اي مەرزىمگە باس بوستاندىعىنان ايىرۋ تۇرىندەگى جازا تاعايىنداۋمەن كىنالى دەپ تانىلدى، كەلتىرىلگەن زالال مەملەكەت كىرىسىنە تولىق كولەمدە وتەلدى.
