ءۇندىستاندا 15 جىل ۇزىلىستەن كەيىن العاشقى جالپىۇلتتىق حالىق ساناعى باستالدى. بۇل – الەمدەگى ەڭ اۋقىمدى ساناق، ول 1،4 ميللياردتان استام ادامدى قامتيدى، دەپ حابارلايدى Dalanews.kz.
تاۋەلسىزدىك العاننان بەرى العاش رەت ساناقتا ازاماتتاردىڭ كاستالىق تيەسىلىگى تۋرالى دەرەكتەر دە جينالادى.
ساناق ەكى كەزەڭدە وتەدى:
- الدىمەن تۇرعىن ءۇي جاعدايى مەن ينفراقۇرىلىم تۋرالى مالىمەتتەر جينالادى؛
- كەيىن حالىقتىڭ ءوزى تۋرالى اقپارات (سونىڭ ىشىندە كاستالىق قۇرىلىم) ەسەپكە الىنادى.
تولىق ناتيجەلەر 2027 جىلعا قاراي جاريالانادى دەپ كۇتىلىپ وتىر.
جينالعان دەرەكتەر ۇكىمەتكە الەۋمەتتىك ساياسات، ەكونوميكا جانە قالا قۇرىلىسى سالالارىندا شەشىم قابىلداۋعا كومەكتەسەدى. سونىمەن قاتار، بۇل مالىمەتتەر سايلاۋ وكرۋگتەرىن قايتا بولۋگە اسەر ەتىپ، ەلدەگى وڭىرلەر اراسىنداعى ساياسي تەپە-تەڭدىكتى وزگەرتۋى مۇمكىن.
