ۇلتتىق تەستىلەۋ ورتالىعىنىڭ قىزمەتىنە زاڭسىز ارالاسقاندار سوتتالدى، - دەپ حابارلايدى Dalanews.kz ۇقك-گە سىلتەپ.
ساۋىردە ورال قالاسى سوتىنىڭ شەشىمىمەن باتىس قازاقستان وبلىسىنىڭ ەكى تۇرعىنى قىلمىستىق كودەكستىڭ 206، 250 جانە 198-باپتارىندا كوزدەلگەن قىلمىستاردى جاساعانى ءۇشىن ءارقايسىسى 2 جىل 6 اي باس بوستاندىعىننان ايىرۋ ۇكىمىنە كەسىلدى.
سونداي-اق ولار كوممەرسيالىق ۇيىمداردا 5 جىل مەرزىمگە باسشىلىق لاۋازىمداردى اتقارۋ قۇقىعىنان ايرىلدى.
ۇكىم شىعارۋعا ۇقك-نىڭ ءىس جۇرگىزۋ ماتەريالدارى نەگىز بولدى، وعان سايكەس سوتتالعاندار 2021-2022 جىلدارى قازاقستاننىڭ عىلىم جانە جوعارى ءبىلىم مينيسترلىگى ۇلتتىق تەستىلەۋ ورتالىعىنىڭ زاڭمەن قورعالاتىن اقپاراتىنا زاڭسىز قول جەتكىزۋدى جانە كوشىرۋدى جۇزەگە اسىرعان.
ۇكىم زاڭدى كۇشىنە ەندى.
