ۇلتتىق كينونى قولداۋ ورتالىعى 2024 جىلعى ۇلتتىق فيلمدەر دەپ تانىلۋعا ٷمٸتتٸ كينوجوبالاردى ٸرٸكتەۋ كونكۋرسىن جارييالايدى, – دەپ حابارلايدى Dalanews.kz.⠀
كينوجوبالاردى ٸرٸكتەۋ ەكٸ كەزەڭدە جٷزەگە اسادى. بٸرٸنشٸ كەزەڭ – فيلمدەردٸڭ ستسەنارييٸن نەمەسە ستسەناريي جوسپارلارىن قارالادى.
ال ەكٸنشٸ كەزەڭدە تاقىرىپتىق جوسپارعا ساي كەلەتٸن, ساراپتاما كەڭەسٸ ٸرٸكتەگەن جوبالاردىڭ قۇجاتتارىن جيناقتاۋ جٷزەگە اسىرىلادى.
كونكۋرستىق ٸرٸكتەۋدٸڭ بٸرٸنشٸ كەزەڭٸنە قاتىسۋ ٷشٸن ٷمٸتكەرلەر ورتالىققا ەلەكتروندى تٷردە ستسەنارييلەردٸ قاراۋعا ٶتٸنٸمدٸ, PDF فورماتىندا ستسەنارييلەردٸ, جەكە باسىن كۋەلاندىراتىن قۇجاتتاردىڭ كٶشٸرمەسٸ مەن اۆتورلىق شارتتى, ٶتٸنٸش بەرۋشٸ مەن ستسەناريي نەمەسە ستسەناريي جوسپارىنىڭ اۆتورى اراسىنداعى الدىن الا شارتتى جٸبەرۋٸ قاجەت.
ٶتٸنٸش بەرۋشٸ فيلمنٸڭ ەر تٷرٸ, ويىن فيلمٸ, انيماتسييالىق فيلم, دەرەكتٸ-حرونيكالى فيلمدەر بويىنشا تەك 2 ستسەناريي ۇسىنا الادى.
قۇجاتتار ورتالىقتىڭ kazakhcinema.kz سايتى ارقىلى 12 سەۋٸر مەن 18 سەۋٸر كٷندەرٸ, ساعات 18:00 دەيٸن قابىلدانادى.
ورتالىق قۇجاتتاردى قابىلداۋ اياقتالعاننان كەيٸن ٶتٸنٸش بەرۋشٸلەر ۇسىنعان قۇجاتتاردى ساراپتاما كەڭەسٸنٸڭ قاراۋىنا ەنگٸزەدٸ.
ايتا كەتەيٸك, كونكۋرستىق ٸرٸكتەۋگە قاتىسۋ قۇقىعىنا يە بولۋ ٷشٸن ٷمٸتكەرلەردٸڭ سالىق بەرەشەگٸنٸڭ بولماۋى, بانكروتتىق رەسٸمگە تارتىلماۋى ماڭىزدى.
