بوستاندىق اۋدانىندا قوعامدىق كەڭىستىكتەردى كوركەيتۋ جۇمىستارى جالعاسىپ كەلەدى. بۇل تۋرالى الماتى اكىمى ەربولات دوسايەۆ اۋدان تۇرعىندارىمەن كەزدەسۋىندە ايتتى، - دەپ حابارلايدى Dalanews.kz 

قازىرگى ۋاقىتتا ۇلكەن الماتى وزەنى جاعالاۋى رەكونسترۋكسيالانىپ جاتىر، ونى 2026 جىلدىڭ ساۋىرىندە اياقتاۋ جوسپارلانعان.

بيىل ءساۋىر ايىندا گاگارين داڭعىلى بويىنداعى بۋلۆاردى كوگالداندىرۋ جۇمىستارى اياقتالادى. مامىردا «اتاكەنت» ءقىىو اۋماعىن، «وڭتۇستىك» ساياباعىنىڭ سولتۇستىك بولىگىن جانە نۇر-الاتاۋ شاعىن اۋدانىنداعى سكۆەردى كوركەيتۋ باستالادى.

وسى كەزەڭدە رەسپۋبليكا الاڭىنداعى سۋبۇرقاقتارعا كۇردەلى جوندەۋ جۇمىستارى باستالادى. ولاردى 2025 جىلدىڭ قازان ايىندا اياقتاۋ جوسپارلانعان.

2024 جىلى ءۇش ايماق كورىكتەندىرىلدى: اباي داڭعىلى (تۇرعىت ءوزال كوشەسىنەن بايزاقوۆ كوشەسىنە دەيىن)، جەلتوقسان كوشەسى (اباي داڭعىلى مەن ساتبايەۆ كوشەسىنىڭ ارالىعى)، اباي مەن گاگارين داڭعىلدارىنىڭ قيىلىسىنداعى سكۆەر.

بۇل اۋماقتاردا بالالار جانە سپورت الاڭدارى ورناتىلىپ، جارىقتاندىرۋ جاڭارتىلدى، اعاش وتىرعىزىلدى.