بايقوڭىردان ۇشىرىلعان "سويۋز مس-28" زىمىرانىنىڭ بولشەكتەرى ۇلىتاۋ وبلىسىنىڭ اۋماعىنا قۇلاعانى بەلگىلى بولدى. زىمىران 27 قاراشادا ساعات 14:27-دە ۇشىرىلعان، دەپ حابارلايدى Dalanews.kz.
مامانداردىڭ ايتۋىنشا، تۇرعىندارعا ءقاۋىپ جوق. ءقازىر بولشەكتەر قۇلاعان اۋماقتا "روسكوسموس" قىزمەتكەرلەرى، سونداي-اق، قازاقستان مەن رەسەي تاراپىنان ەكولوگتار جۇمىس ىستەپ جاتىر. ولار ولشەۋ جۇرگىزىپ، قاجەت سىنامالار الىپ جاتىر.
ايتا كەتەيىك، "سويۋز مس-28" قۇرامىندا ۋلى كومپونەنتتەر جوق، ول كەروسين مەن سۇيىق وتتەگى قولدانادى. سوندىقتان، مامانداردىڭ ايتۋىنشا، قۇلاعان بولشەكتەر رادياسيالىق نەمەسە حيميالىق زيان كەلتىرمەيدى.
