ٷكٸمەت رەزەرۆٸنەن وتاندىق شارۋالاردى قولداۋ ٷشٸن 116 ملرد تەڭگەدەن استام قاراجات بٶلٸندٸ. پرەمەر-مينيستر ولجاس بەكتەنوۆ تيٸستٸ قاۋلىعا قول قويدى,- دەپ حابارلايدى Dalanews.kz
قۇجات 2025 جىلعى 28 قاڭتاردا ٶتكەن ٷكٸمەتتٸڭ كەڭەيتٸلگەن وتىرىسىندا مەملەكەت باسشىسىنىڭ كٶكتەمگٸ ەگٸس پەن جيىن-تەرٸم جۇمىستارىنا كەمٸندە 700 ملرد تەڭگە كٶلەمٸندە جەڭٸلدەتٸلگەن قارجىلاندىرۋدى قامتاماسىز ەتۋ بويىنشا بەرگەن تاپسىرماسىن ورىنداۋ شەڭبەرٸندە قابىلداندى.
اتاپ ايتقاندا, اۋىل شارۋاشىلىعى تاۋار ٶندٸرۋشٸلەرٸن قولجەتٸمدٸ نەسيە ارقىلى قولداۋ جەنە شارۋالاردىڭ قارجىلىق جاعدايىن تۇراقتاندىرۋ ماقساتىندا قاۋلىعا سەيكەس ٷكٸمەت رەزەرۆٸنەن شامامەن 116 ملرد 772 ملن تەڭگە بٶلۋ قاراستىرىلعان. قاراجاتتى 2025 جىلعى كٶكتەمگٸ ەگٸس جەنە جيىن-تەرٸم جۇمىستارىن ساپالى جٷرگٸزۋ ٷشٸن, سونداي-اق وتاندىق ٶندٸرٸستەگٸ اۋىل شارۋاشىلىعى تەحنيكاسىن ساتىپ الۋ ٷشٸن اٶك سۋبەكتٸلەرٸن قارجىلاندىرۋعا باعىتتاۋ جوسپارلانعان. بۇل ەرٸ قاراي ەلدە ٶندٸرٸلگەن جەنە قۇراستىرىلعان اۋىل شارۋاشىلىعى تەحنيكاسىن ساتىپ الۋدى قارجىلاندىرۋعا, كەيٸن ونى ليزينگكە بەرۋگە, سونداي-اق «دامۋ» كەسٸپكەرلٸكتٸ دامىتۋ قورى» اق تاراپىنان نەسيە شارتتارىن كەپٸلدەندٸرۋ كەزٸندە كوميسسييانى ارزانداتۋ ٷشٸن «اگرارلىق نەسيە كورپوراتسيياسى» اق مەن «قازاگروقارجى» اق وبليگاتسييالارى بويىنشا كۋپوندىق سىياقىنى سۋبسيدييالاۋ ارقىلى جٷزەگە اسىرىلادى.
ەسكە سالا كەتەيٸك, مەملەكەت باسشىسىنىڭ 2024 جىلعى 7 اقپاندا ٶتكەن قر ٷكٸمەتٸنٸڭ كەڭەيتٸلگەن وتىرىسىندا بەرگەن تاپسىرمالارىن ورىنداۋ شەڭبەرٸندە ٷكٸمەت 2025 جىلعى كٶكتەمگٸ ەگٸس جەنە جيىن-تەرٸم جۇمىستارىنا قارجىلاندىرۋ كٶلەمٸن ارتتىرۋ ماقساتىندا العاشقى 100 ملرد تەڭگەنٸ 2024 جىلدىڭ جەلتوقسانىندا بٶلگەن بولاتىن.
