پرەمەر-مينيستر ولجاس بەكتەنوۆ ۇكىمەت پەن اكىمدەر جۇمىسىنىڭ تيىمدىلىگى، ەڭ الدىمەن، ازاماتتاردىڭ ءومىر ءسۇرۋ ساپاسىن جاقسارتۋ بويىنشا باعالاناتىنىن اتاپ ءوتتى، دەپ حابارلايدى Dalanews.kz.
"بۇگىنگى تاڭدا بارلىق الەۋمەتتىك مىندەتتەمەلەر تولىق كولەمدە ورىندالۋدا. كەلەسى جىلى الەۋمەتتىك قاجەتتىلىكتەرگە بولىنەتىن شىعىستاردىڭ پايىزدىق اراقاتىناسىن وڭتايلاندىرۋ جۇرگىزىلەدى. قاراجاتتى تەڭگەرىمدى جۇمساۋ ماقساتىندا مەملەكەتتىك قولداۋ شارالارىنىڭ ءبىرىڭعاي سيفرلىق پلاتفورماسى ازىرلەندى. نەگىزگى ماقسات – رەسۋرستاردى شىن مانىندە كومەككە مۇقتاج جانداردىڭ پايداسىنا قايتا ءبولۋ.
مەملەكەت باسشىسى اتاپ وتكەندەي، ءبىز ماسىلدىق پسيحولوگياعا توسقاۋىل قويۋىمىز كەرەك. سيفرلاندىرۋدىڭ ارقاسىندا ءبىز تابىسى جوعارى وتباسىلارعا كورسەتىلەتىن مەملەكەتتىك قولداۋ شارالارىن توقتاتىپ، بۇل قاراجاتتى قيىن جاعدايعا تاپ بولعان ادامدارعا باعىتتاۋدى جوسپارلاپ وتىرمىز"، - دەپ اتاپ ءوتتى پرەمەر-مينيستر.
قازىرگى ۋاقىتتا سكورينگ جۇيەسىن سىناقتان وتكىزۋ ءۇشىن شىمكەنت قالاسى مەن قاراعاندى وبلىسىندا پيلوتتىق جوبا جۇرگىزىلىپ جاتىر.
