مەملەكەت باسشىسى بۇقارالىق اقپارات قۇرالدارى ٶكٸلدەرٸنە بريفينگ ٶتكٸزٸپ, ماڭىزدى ساۋالدارعا جاۋاپ بەردٸ, دەپ حابارلايدى dalanews.kz.
– زاڭعا سەيكەس, قۇرىلتاي سايلاۋىنان سوڭ ٷكٸمەت جۇمىسىن توقتاتۋعا تيٸس. سوعان ساي مينيسترلەر كابينەتٸ جاساقتالادى. جاڭا ٷكٸمەتتٸڭ باعىت-باعدارى مەن مٸندەتتەرٸ جٶنٸندە نە ايتاسىز?
– جالپى, ٷكٸمەت بارىنشا تاباندى, جەدەل جۇمىس اتقارىپ, مەملەكەت باسشىسى قويعان مٸندەتتەردٸ ورىنداپ وتىر. دٷنيە جٷزٸندەگٸ بەسەكەلەستٸك كٷشەيٸپ كەلەدٸ. نارىقتىڭ سىن-قاتەرلەرٸنە مۇقييات نازار اۋدارىپ, ەڭ باستىسى, تيٸستٸ دەڭگەيدە تٶتەپ بەرۋٸمٸز كەرەك. ەلبەتتە, ٷكٸمەت وتستاۆكاعا كەتەدٸ. ٷكٸمەت قۇرامىندا بٸرقاتار ٶزگەرٸس بولادى. اشىعىن ايتقاندا, دەل بٷگٸن ٷكٸمەت جۇمىسىنا الاڭداۋعا نەمەسە وعان سىن ايتۋعا قانداي دا بٸر نەگٸز جوق. مينيسترلەر دە, ٷكٸمەت جەتەكشٸسٸ دە قولدان كەلگەنشە مٸندەتتەرٸن اتقارىپ جاتىر. بٸراق كادرلىق ٶزگەرٸستەر ەردايىم بولادى. ٶيتكەنٸ بۇل ٷكٸمەتتٸڭ جۇمىسىنا قان جٷگٸرتەدٸ. مەسەلە بٸرەۋدٸ ورنىنان بوساتۋدا ەمەس. مەن جاي سىلتاۋمەن جۇمىستان شىعارۋعا قاشاندا قارسىمىن. ەسٸرەسە, قازٸرگٸ تٸلمەن ايتقاندا, مەدياداعى كونتەنت نەمەسە مازمۇن ٷشٸن اۋىس-تٷيٸس جاساۋدىڭ قاجەتٸ جوق. كادرلىق شەشٸم شىن مەنٸندە جۇمىسقا تىڭ سەرپٸن بەرۋٸ كەرەك. بەرٸمٸز ايتىپ جٷرگەن جاڭعىرۋ ٷدەرٸسٸ ٷزدٸكسٸز جٷرگٸزٸلۋگە تيٸس. ٶيتكەنٸ بۇل كٷردەلٸ پروتسەستٸ العا جەتەلەپ وتىرۋ قاجەت. بۇل ٸستە ٷكٸمەت ماڭىزدى رٶل اتقارادى.
