10 مامىردا باستالعان نەگٸزگٸ ۇبت-نى بٷگٸنگە دەيٸن 340 مىڭعا جۋىق تالاپكەر تاپسىردى. تەستٸلەۋگە قاتىسۋشىلاردىڭ 73 پايىزى قازاق تٸلٸن, 27 پايىزى ورىس تٸلٸن تاڭداسا, 522 ادام اعىلشىن تٸلٸندە تاپسىرعان, دەپ حابارلايدى dalanews.kz.
جەتٸنشٸ اپتانىڭ قورىتىندىسى بويىنشا تالاپكەرلەردٸڭ 70 پايىزى شەكتٸ بالل جينادى. بەس پەن بويىنشا ورتاشا نەتيجە - 66 بالل. ەڭ جوعارى كٶرسەتكٸش - 140 بالل. بۇل نەتيجەگە پاۆلودار وبلىسىنىڭ تٷلەگٸ ەسەت التاير قول جەتكٸزدٸ.
ۇبت ٶتكەن جەتٸ اپتا ٸشٸندە 715 ەرەجە بۇزۋ دەرەگٸ تٸركەلدٸ. ونىڭ ٸشٸندە 422 تالاپكەر سمارتفون, سمارت كٶزٸلدٸرٸك, ميكروقۇلاققاپ, شپارگالكا جەنە باسقا دا تىيىم سالىنعان زاتتاردى الىپ كٸرمەك بولعانى ٷشٸن تەستكە جٸبەرٸلمەدٸ.
تاعى 286 ادام تەست كەزٸندە تەرتٸپ بۇزعانى ٷشٸن اۋديتورييادان شىعارىلىپ, ولاردىڭ نەتيجەسٸ جويىلدى. بۇدان بٶلەك, بەينەجازبالاردى تەكسەرۋ كەزٸندە ەرەجە بۇزعان تاعى جەتٸ تالاپكەردٸڭ نەتيجەسٸ جارامسىز دەپ تانىلدى. بيىل ٶزگە ادامنىڭ ورنىنا تەست تاپسىرۋ دەرەگٸ تٸركەلگەن جوق.
