تٷركٸ مەملەكەتتەرٸ پارلامەنتتٸك اسسامبلەياسىنىڭ حالىقارالىق ميسسيياسى قازاقستانداعى قۇرىلتاي سايلاۋىنىڭ ۇلتتىق زاڭناما مەن حالىقارالىق تالاپتارعا ساي, بٸرقالىپتى جاعدايدا ٶتكەنٸن مەلٸمدەدٸ. ميسسييا مٷشەلەرٸ الماتىداعى سايلاۋ ۋچاسكەلەرٸن ارالاپ, داۋىس بەرۋ جەنە داۋىستاردى ساناۋ بارىسىن قاداعالادى. سونىمەن قاتار مٷمكٸندٸگٸ شەكتەۋلٸ ازاماتتاردىڭ سايلاۋعا قاتىسۋىنا قانداي جاعداي جاسالعانىنا نازار اۋداردى. قىرعىزستان, ەزٸربايجان جەنە تٷركييا ٶكٸلدەرٸ ساپار قورىتىندىسىن الماتىدا ٶتكەن باسپاسٶز مەسليحاتىندا جارييالادى, دەپ حابارلايدى dalanews.kz.
تٷركپا-نىڭ بٸلٸم, مەدەنيەت, ەلەۋمەتتٸك جەنە گۋمانيتارلىق مەسەلەلەر جٶنٸندەگٸ كوميسسيياسى تٶراعاسىنىڭ مٸندەتٸن اتقارۋشى, قىرعىز رەسپۋبليكاسى جوگوركۋ كەڭەشينٸڭ دەپۋتاتى ۇلىقبەك قارىبەك ۋۋلۋ حالىقارالىق بايقاۋشىلاردىڭ سايلاۋ ۋچاسكەلەرٸن ەركٸن ارالاپ, ونداعى جۇمىس بارىسىمەن تانىسۋىنا بارلىق مٷمكٸندٸك جاسالعانىن ايتتى.
«جۇمىسىمىزعا مەملەكەتتٸك ورگاندار تاراپىنان ەشقانداي كەدەرگٸ بولعان جوق. سايلاۋ ۋچاسكەلەرٸنە ەركٸن كٸرٸپ, بٸزدٸ قىزىقتىرعان بارلىق جاعداياتتى ٶز كٶزٸمٸزبەن كٶرٸپ, باقىلادىق. كەشكٸسٸن داۋىس ساناۋ بارىسىنا دا كۋە بولدىق. داۋىس بەرۋ اشىق ٶتتٸ. ۇلتتىق زاڭناما مەن حالىقارالىق تالاپتارعا قايشى ەرەكەتتەردٸ بايقامادىق», – دەدٸ ۇلىقبەك قارىبەك ۋۋلۋ.
تمپا-نىڭ قۇقىقتىق مەسەلەلەر جەنە حالىقارالىق قاتىناستار جٶنٸندەگٸ كوميسسيياسىنىڭ مٷشەسٸ, تٷركييا ۇلى ۇلتتىق مەجٸلٸسٸنٸڭ دەپۋتاتى فيليز كىلىچ حالىقارالىق ميسسييانىڭ بايقاۋ نەتيجەلەرٸنە توقتالدى.
«بٸز بارعان ۋچاسكەلەردە داۋىس بەرۋ بٸرقالىپتى ەرٸ اسقان ۇيىمشىلدىقپەن ٶتتٸ. سايلاۋشىلار ەركٸن كەلٸپ, تاڭداۋىن ەش كەدەرگٸسٸز جاسادى. داۋىس بەرۋ قۇپيياسى ساقتالىپ, زاڭدا بەلگٸلەنگەن تەرتٸپ تالاپتارى ورىندالدى. بايقاۋ نەتيجەسٸندە الماتىداعى توپ قۇرىلتاي سايلاۋى قازاقستان رەسپۋبليكاسىنىڭ زاڭناماسى مەن حالىقارالىق سايلاۋ تالاپتارىنا ساي ٶتتٸ دەگەن تۇجىرىمعا كەلدٸ», – دەدٸ فيليز كىلىچ.
تٷركپا-نىڭ بٸلٸم, مەدەنيەت, ەلەۋمەتتٸك جەنە گۋمانيتارلىق مەسەلەلەر جٶنٸندەگٸ كوميسسيياسىنىڭ مٷشەسٸ, ەزٸربايجان ميللي مەجٸلٸسٸنٸڭ دەپۋتاتى حيكمەت مامەدوۆ ميسسييا مٷشەلەرٸنٸڭ التى سايلاۋ ۋچاسكەسٸن ارالاعانىن ايتتى. ول قازاقستاننىڭ جاڭا زاڭ شىعارۋشى ورگانىنا «قۇرىلتاي» اتالۋىنا دا ەرەكشە مەن بەردٸ.
«قۇرىلتاي – تامىرى تەرەڭ كٶنە تٷركٸ سٶزٸ. بابالارىمىز ەلدٸك ماڭىزى بار مەسەلەلەردٸ اقىلداسىپ, ورتاق شەشٸمگە كەلۋ ٷشٸن قۇرىلتايعا جينالعان. بٷگٸندە وسى مٸندەتتٸ پارلامەنت اتقارادى. ال «قۇرىلتاي» اتاۋى حالىقتىڭ ەركٸن, ەلدٸك مەسەلەلەردٸ شەشۋگە اتسالىسۋىن بٸلدٸرەدٸ. قازاقستاننىڭ جوعارى زاڭ شىعارۋشى ورگانىنا وسىنداي تاريحي اتاۋ بەرٸلگەنٸنە شىن جٷرەكتەن قۋانىشتىمىن», – دەپ حيكمەت مامەدوۆ ٶزٸنٸڭ جٷرەكجاردى لەبٸزٸن بٸلدٸردٸ.
حالىقارالىق بايقاۋشىلار مٷمكٸندٸگٸ شەكتەۋلٸ ازاماتتاردىڭ سايلاۋعا قاتىسۋىنا جاسالعان جاعدايعا دا نازار اۋداردى. سايلاۋ ۋچاسكەلەرٸ پاندۋستارمەن جابدىقتالىپ, برايل قارپٸندەگٸ ارنايى ٷلگٸلەر مەن ٶزگە دە كٶمەكشٸ قۇرالدار قاراستىرىلعان. ورتالىق سايلاۋ كوميسسيياسىنىڭ اقپاراتتىق ماتەريالدارى مەن وتىرىستارى دا ىمداۋ تٸلٸنە اۋدارىلعان.
ميسسييا مٷشەلەرٸ ەيەلدەر, جاستار جەنە مٷمكٸندٸگٸ شەكتەۋلٸ ازاماتتاردىڭ ٶكٸلدٸگٸن قامتاماسىز ەتۋگە باعىتتالعان زاڭنامالىق تالاپتارعا دا توقتالدى. زاڭ بويىنشا اتالعان ٷش ساناتتىڭ پارتييالىق تٸزٸمدەگٸ جالپى ٷلەسٸ كەمٸندە 30 پايىز بولۋى كەرەك. بۇل تالاپ دەپۋتاتتىق مانداتتاردى بٶلۋ كەزٸندە دە قولدانىلادى.
تٷركپا باس حاتشىسى ورىنباسارىنىڭ مٸندەتٸن اتقارۋشى, قىرعىز رەسپۋبليكاسى پارلامەنتٸنٸڭ ٶكٸلٸ بەكتۇر بازاكەچوۆ ميسسييا جۇمىسىنىڭ تەۋەلسٸزدٸك پەن بەيتاراپتىق قاعيداتتارىنا نەگٸزدەلگەنٸن ايتتى.
«سايلاۋ بارىسىنا ارالاسپاۋ جەنە ونىڭ قاتىسۋشىلارىنا ساياسي تۇرعىدان باعا بەرمەۋ حالىقارالىق بايقاۋشىنىڭ باستى ۇستانىمى. بٸزدٸڭ مٸندەتٸمٸز – سايلاۋدىڭ ەل زاڭناماسى مەن مەملەكەتتٸڭ حالىقارالىق مٸندەتتەمەلەرٸنە قانشالىقتى ساي ٶتكەنٸنە ەدٸل باعا بەرۋ. وسى جۇمىس بارىسىندا بٸز بەيتاراپتىقتى, دەربەستٸكتٸ, جارييالىلىقتى جەنە سايلاۋ بارىسىنا ارالاسپاۋ قاعيداتىن ۇستاندىق. بۇل سايلاۋ قازاقستاننىڭ ساياسي ينستيتۋتتارىن ودان ەرٸ دامىتۋ جولىنداعى ماڭىزدى كەزەڭ بولدى», – دەدٸ بەكتۇر بازاكەچوۆ.
تٷركپا ٶكٸلدەرٸ حالىقارالىق باقىلاۋشىلاردىڭ جۇمىسىنا ىڭعايلى جاعداي جاساعانى ٷشٸن قازاقستان تاراپىنا العىس بٸلدٸرٸپ, ەل ازاماتتارىن تۇڭعىش بٸر پالاتالى قۇرىلتايدىڭ قۇرىلۋىمەن قۇتتىقتادى.
