بۇگىن، 5 قازان “ۇستازدار” كۇنىندە ق ر پرەزيدەنتى قاسىم-جومارت توقايەۆ، ۇستازدار قاۋىمىن كاسىبي مەرەكەسىمەن قۇتتىقتاپ، اسا جاۋاپتى ءارى قاستەرلى مىندەتتى ابىرويمەن اتقارىپ جۇرگەن پەداگوگتەرگە العىس ايتتى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
– مەنىڭ تاپسىرماممەن «پەداگوگ مارتەبەسى تۋرالى» ارنايى زاڭ قابىلداندى. بۇل قۇجات ۇستازداردىڭ زاڭدى مۇددەسى مەن قۇقىقتارىن قورعاۋعا ىقپال ەتتى. ءقازىر مۇعالىمدەر مەن تاربيەشىلەردىڭ جالاقىسى ايتارلىقتاي كوبەيدى. ولار نەگىزگى قىزمەتىنە كەدەرگى كەلتىرەتىن ارتىق مىندەتتەردەن بوساتىلدى. وسى زاڭعا سايكەس «قازاقستاننىڭ ەڭبەك سىڭىرگەن ۇستازى» اتاعى ەنگىزىلدى. بۇل – جاي اتاق ەمەس، مارتەبەلى مەملەكەتتىك ناگرادا. ونىڭ يەگەرىنە قوماقتى سىياقى بەرىلەدى. رەسپۋبليكا بويىنشا 46 ءمۇعالىم وسى ناگراداعا يە بولدى. سونداي-اق ءقازىر ۇستازدارعا اكادەميالىق دارەجەسىنە سايكەس ۇستەمەاقى تولەنىپ جاتىر. حالىقارالىق وليمپيادا جۇلدەگەرلەرىن دايىنداعان مۇعالىمدەرگە قارجىلاي قولداۋ كورسەتىلەدى. پەداگوگ ماماندىعى بويىنشا وقىپ جاتقان ستۋدەنتتەردىڭ شاكىرتاقىسى 2،5 ەسە كوبەيدى. بيىل بولاشاق ۇستازداردى دايارلاۋ ءۇشىن 16 مىڭعا جۋىق گرانت ءبولىندى. سونىڭ ىشىندە شامامەن 1800 «التىن بەلگى» يەگەرى پەداگوگيكا ماماندىعىن تاڭدادى. بۇل – وتە جاقسى ءۇردىس، – دەدى مەملەكەت باسشىسى.
مەملەكەت باسشىسى اقوردا تورىندە ەلىمىزدەگى ۇزدىك ۇستازداردى قابىلداپ، مەملەكەتتىك ناگرادالار تابىستادى. ولاردىڭ قاتارىندا تۇركىستان وبلىسى، ورداباسى اۋدانىنىڭ «ش.ءۋاليحانوۆ اتىنداعى مەكتەپ-گيمنازياسىنىڭ» اعىلشىن ءتىلى ءپانىنىڭ ءمۇعالىمى، ابيبۋللا جاكۋدايەۆ تا بار. پەداگوگيكا سالاسىندا 40 جىلدان استام ەڭبەك ەتكەن ۇستازدىڭ وقۋشىلارى حالىقارالىق، رەسپۋبليكالىق ءبىلىم شىڭىن باعىندىرىپ، بۇگىندە تۇركىستان وبلىسىن كوپكە تانىتىپ كەلەدى. ءبىلىم سالاسىنا ولشەۋسىز ۇلەس قوسقان اعارتۋشى ۇستاز، بۇل كۇنى مەملەكەت باسشىسىنىڭ قولىنان “قازاقستاننىڭ ەڭبەك سىڭىرگەن ۇستازى” توسبەلگىسىمەن ماراپاتتالدى.
