تۇركىستان وبلىسى ءدىن ىستەرى باسقارماسىنىڭ ۇيىمداستىرۋىمەن «كيەلى ورىندارىندا كورسەتىلەتىن ءدىني راسىمدەر» جانە «جەرلەۋدىڭ جانە زيراتتاردى كۇتىپ-ۇستاۋ ءىسىن ۇيىمداستىرۋدىڭ ءتارتىبى» تاقىرىبىندا سەمينار-ترەنينگ ءوتتى،– دەپ حابارلايدى Dalanews.kz
زيارات ورىندارىندا قىزمەت كورسەتەتىن شىراقشىلاردىڭ قىزمەت ساپاسى مەن بىلىكتىلىگىن ارتتىرۋ ماقساتىندا وتكەن جيىندا شىراقشىلارعا قويىلاتىن تالاپتار كۇشەيتىلەتىنى تالقىلانىپ، كيەلى ورىنداردىڭ اينالاسىن تازا ۇستاپ، زياراتشىلارعا قولايلى جاعداي جاساۋ كەرەكتىگى ايتىلدى.
ءىس-شاراعا وبلىستىق ءدىن ىستەرى باسقارماسىنىڭ باسشىسى رۇستەم سابىرجان ۇلى مەن باسقارما قىزمەتكەرلەرى، مادەنيەت جانە تۋريزم باسقارمالارىنىڭ ورىنباسارى مەن ءبولىم باسشىلارى، قالا، اۋدان اكىمدەرىنىڭ ورىنباسارلارى، ىشكى ساياسات بولىمدەرىنىڭ باسشىلارى، قمدب-نىڭ وكىلدەرى، تۇركىستان وبلىسى اۋماعىنداعى زيارات ورىندارىندا قىزمەت ەتەتىن شىراقشىلار، «حالىقارالىق تۋريزم جانە مەيماندوستىق» ۋنيۆەرسيتەتىنىڭ ۆيسە-رەكتورى، ب ا ق وكىلدەرى قاتىستى.
