تٷركٸستاندا قوعامدىق كٶلٸكتەردٸڭ سانى ارتادى
جىل باسىندا قالاداعى قوعامدىق كٶلٸكتەردٸڭ قاتارى 16 اۆتوبۋسپەن تولىققان بولاتىن, ەندٸ ولاردىڭ قاتارىنا جۋىردا «Yutong» ماركالى 5 اۆتوبۋس قوسىلدى.
اۆتوبۋستاردىڭ بارلىعى بٸرىڭعاي جاسىل تٷسپەن بويالعان. وندا تٷركٸستان قالاسىنىڭ لوگوتيپٸ بەلگٸلەنگەن. ۇزىندىعى 8,5 مەتر. سىيىمدىلىعى 28 ورىندىق, قوسىمشا 30 ادامدى مٸنگٸزۋگە قاۋقارلى.
اۆتوبۋس ٸشٸندە جارنامالىق ەكران مەن جەلدەتكٸش قويىلعان. قوعامدىق كٶلٸكتە پايدالانۋشىلارعا ىڭعايلى بولۋ ٷشٸن ەربٸر ايالداما ارنايى جٷيە ارقىلى حابارلانىپ وتىراتىن بولادى.
تٸپتٸ, الداعى جىلداردا جول اقىسىن تٶلەۋدٸ تسيفرلاندىرۋ ٸسٸ جٷزەگە اسپاق. ال, مٷمكٸندٸگٸ شەكتەۋلٸ جاندارعا جاعداي جاساۋ ٷشٸن ارتقى ەسٸگٸنە پاندۋس قويۋدى دا قاراستىرۋدا. جاڭا اۆتوبۋستار جۋىردا قالا ٸشٸندەگٸ №5, №7, №30, №31 باعىتتارىندا جولاۋشىلاردى تاسىمالدايتىن بولادى.
ايتا كەتەيٸك, جىل سوڭىنا دەيٸن قازاقستاندا جاسالعان «سارىارقا اۆتوپروم» اۆتوزاۋىت بازاسىنان تاعى دا سۋ جاڭا 36 اۆتوبۋس پايدالانۋعا بەرٸلمەك. ولار شاھارعا كٸرەتٸن 5 باعىتتى قامتيتىن بولادى.
تٷركٸستان وبلىسى ەكٸمٸنٸڭ باسپاسٶز قىزمەتٸ
