Túrkistanda qoǵamdyq kólikterdiń sany artady
Jyl basynda qaladaǵy qoǵamdyq kólikterdiń qatary 16 avtobýspen tolyqqan bolatyn, endi olardyń qataryna jýyrda «Yutong» markaly 5 avtobýs qosyldy.
Avtobýstardyń barlyǵy biryńǵai jasyl túspen boialǵan. Onda Túrkistan qalasynyń logotipi belgilengen. Uzyndyǵy 8,5 metr. Syiymdylyǵy 28 oryndyq, qosymsha 30 adamdy mingizýge qaýqarly.
Avtobýs ishinde jarnamalyq ekran men jeldetkish qoiylǵan. Qoǵamdyq kólikte paidalanýshylarǵa yńǵaily bolý úshin árbir aialdama arnaiy júie arqyly habarlanyp otyratyn bolady.
Tipti, aldaǵy jyldarda jol aqysyn tóleýdi tsifrlandyrý isi júzege aspaq. Al, múmkindigi shekteýli jandarǵa jaǵdai jasaý úshin artqy esigine pandýs qoiýdy da qarastyrýda. Jańa avtobýstar jýyrda qala ishindegi №5, №7, №30, №31 baǵyttarynda jolaýshylardy tasymaldaityn bolady.
Aita keteiik, jyl sońyna deiin Qazaqstanda jasalǵan «Saryarqa AvtoProm» avtozaýyt bazasynan taǵy da sý jańa 36 avtobýs paidalanýǵa berilmek. Olar shaharǵa kiretin 5 baǵytty qamtityn bolady.
Túrkistan oblysy ákiminiń baspasóz qyzmeti
