تٷركٸستان وبلىسىندا ماقتا شارۋاشىلىعىن دامىتۋعا باسىمدىق بەرٸلۋدە. بۇل باعىتتا تولىق تسيكلدٸ 9 ماقتا-توقىما كلاستەرٸن قۇرۋ جۇمىستارى باستالدى. ماقتا ٶنٸمدٸلٸگٸ مەن ساپاسىن ارتتىرۋ جۇمىستارى ورداباسى اۋدانىندا دا اتقارىلىپ جاتىر, دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ورداباسى اۋدانىنا ٸسساپار بارىسىندا وبلىس ەكٸمٸ دارحان ساتىبالدى تٶرتكٷل اۋىلىندا ورنالاسقان ماقتا ٶڭدەۋ زاۋىتىنىڭ جۇمىسىمەن, ونداعى تەحنيكالارمەن تانىستى. وبلىس ەكٸمٸ ٶڭٸردە ماقتا كلاستەرٸن قۇرۋ باعىتىندا اۋقىمدى جۇمىستار اتقارىلىپ جاتقانىن ايتىپ, ٶنٸم ساپاسىن ارتتىرۋعا, ينۆەستورلار تارتۋعا جان-جاقتى قولداۋ كٶرسەتٸلەتٸنٸن جەتكٸزدٸ.
«نۇر-اگرو 73» جشس ماقتا تالشىعىن ٶندٸرەدٸ. جوبا قۇنى – 255,0 ملن تەڭگە. ٶندٸرٸس قۋاتتىلىعى جىلىنا – 35 000 توننا. جەكە كەسٸپكەر 300-دەن اسا ازاماتتى جۇمىسپەن قامتىپ وتىر.
ايتا كەتەيٸك, تٷركٸستان وبلىسى رەسپۋبليكادا ماقتا داقىلىن ٶسٸرەتٸن جالعىز ٶڭٸر. ماقتا شارۋاشىلىقتارىندا 25 مىڭ اگروقۇرىلىمدا 70 مىڭعا جۋىق ادام ەڭبەك ەتەدٸ. بيىل ماقتا داقىلىنىڭ ەگٸس كٶلەمٸ 106,4 مىڭ گەكتاردى قۇرادى. بۇل جالپى ەگٸستٸكتٸڭ 12 پايىزى.
