تۇركىستان وبلىسىنىڭ پروكۋراتۋراسى ءبىلىم سالاسىنداعى قۇقىق بۇزۋشىلىقتارعا بايلانىستى تۇسىنىكتەمە بەردى، دەپ حابارلايدى Dalanews.kz.
جيىندا ءبىلىم بەرۋ ۇيىمدارىندا جۇرگىزىلگەن تەكسەرۋلەردى قورىتىندىلاۋ، تۇرمىستىق زورلىق-زومبىلىق جانە كامەلەتكە تولماعاندار اراسىنداعى ءسۋيسيدتىڭ الدىن الۋعا باعىتتالعان شارالاردىڭ تيىمدىلىگى تالقىلاندى.
مالىمەتتتەرگە سۇيەنسەك، ءبىلىم سالاسىندا جۇرگىزىلگەن تەكسەرۋمەن 1377 ادام تارتىپتىك، 4090 ادام اكىمشىلىك جاۋاپكەرشىلىككە تارتىلسا، 121 مىڭنان اسا بالانىڭ قۇقىعى قورعالىپ، 730 ملن تەڭگەدەن استام قارجى مەملەكەتكە قايتارىلعان.
“4 ملرد تەڭگەدەن استام مەملەكەت قارجىسىن نەگىزسىز اۋدارۋ فاكتىسى بويىنشا قىلمىستىق ءىس قوزعالىپ، بۇگىندە 530 ملن تەڭگەدەن استام قارجى قايتارىلعان”، – دەلىنگەن پروكۋراتۋرا حابارلاماسىندا.
وبلىس پروكۋرورى مۇرات تلەۋبەردييەۆ ۋاكىلەتتى ورگاندارعا ءىس-شارالاردى جانداندىرىپ، قۇقىقبۇزۋشىلىقتاردى جويۋ، ونىڭ ىشىندە تۇرمىستىق زورلىق-زومبىلىق پەن كامەلەتكە تولماعاندار اراسىنداعى ءسۋيسيدتى الدىن الۋجۇمىستارىن كۇشەيتۋدى تاپسىردى.
