تۇركىستان وبلىسىندا پوليسەيلەر شاردارا مەن جەتىساي اۋدانىندا جۇرگىزىلگەن جەدەل-ىزدەستىرۋ ءىس-شاراسى بارىسىندا بىرنەشە قىلمىستى انىقتادى. اتاپ ايتاتىن بولساق، جەر قويناۋىن زاڭسىز وندىرۋمەن، اتىس قارۋىن ساقتاۋمەن جانە جەڭگەتايلىقپەن اينالىسقان ادامدار توبىن ۇستادى، دەپ حابارلايدى Dalanews.kz.
ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى مەن جىلدام قيمىلدايتىن ارنايى جاساق قىزمەتكەرلەرى بىرلەسىپ، كۇدىكتى 9 ادامدى، ونىڭ ىشىندە قىلمىستىق توپتىڭ ۇيىمداستىرۋشىسى، بۇرىن سوتتالعان جەرگىلىكتى تۇرعىندى ۇستادى.
جەدەل ۋاكىلدەر ءتىنتۋ بارىسىندا، ولاردان 1 جۇك تيەگىش كولىك، 7 جۇك كولىگىن، 2 اڭشىلىق مىلتىق، پاتروندار جانە باسقا دا زاتتاي دالەلدەمەلەردى تاركىلەدى.
بۇدان باسقا پوليسەيلەر شاردارا قالاسىنداعى ءىس-شارالار بارىسىندا، جەزوكشەلىكپەن اينالىسۋ ءۇشىن پريتون ۇيىمداستىرۋ فاكتىسىن انىقتادى.
جەدەل ۋاكىلدەر پريتوننىڭ 2 اكىمشىسىن، قازاقستاننىڭ 4 ازاماتىن ۇستادى. سونداي-اق اقشالاي قاراجات پەن وزگە دە زاتتاي دالەلدەمەلەر تاركىلەندى.
قازىرگى ۋاقىتتا اتالعان فاكتىلەر بويىنشا قىلمىستىق ىستەر قوزعالدى. كۇدىكتىلەر قاماۋعا الىندى. تەرگەۋ جۇرگىزىلىپ، وقيعانىڭ تولىق ءمان-جايى انىقتالىپ جاتىر.
