تۇركىستان وبلىستىق بالالار اۋرۋحاناسىنىڭ دارىگەرلەرى كۇردەلى جاعدايدا شۇعىل شەشىم قابىلداپ، ءبىر جارىم جاستاعى بالانىڭ ءومىرىن امان الىپ قالدى،- دەپ حابارلايدى Dalanews.kz.
تولەبي اۋدانىنان اۋىر جاراقاتپەن جەتكىزىلگەن ءبۇلدىرشىننىڭ قولى ەتتارتقىشقا قىسىلىپ قالعان.
"جاراقات سالدارىنان ول تراۆماتيكالىق شوكپەن اۋرۋحاناعا ءتۇستى. ناۋقاس دەرەۋ جانساقتاۋ بولىمىنە جاتقىزىلىپ، جوعارى بىلىكتى حيرۋرگتاردىڭ ارالاسۋىمەن العاشقى حيرۋرگيالىق وڭدەۋ جاسالىپ، شۇعىل وپەراسيا جۇرگىزىلدى"، - دەلىنگەن حابارلامادا.
دارىگەرلەردىڭ ايتۋىنشا، بالانىڭ ومىرىنە تونگەن ءقاۋىپ سەيىلگەن. ءقازىر ءبۇلدىرشىن جانساقتاۋ بولىمىندە ەم قابىلداپ جاتىر. جاعدايى تۇراقتى، وڭ ديناميكا بايقالادى. ەمدەۋ شارالارى جالعاسۋدا.
تۇركىستان وبلىستىق دەنساۋلىق ساقتاۋ باسقارماسى اتا-انالاردى بالالاردى قاراۋسىز قالدىرماۋعا جانە تۇرمىستىق تەحنيكامەن جۇمىس بارىسىندا قاۋىپسىزدىك ەرەجەلەرىن قاتاڭ ساقتاۋعا شاقىرادى.
