اعىمداعى جىلدىڭ شىلدە ايىندا شەكتەۋ ءىس-شارالارىن ەنگىزىلۋىنە بايلانىستى تابىستارىن جوعالتقان مۇقتاج ازاماتتارعا ەڭ تومەنگى جالاقى (42 500 تەڭگە) مولشەرىندە ءبىرجولعى تولەم جۇزەگە اسىرىلاتىنى بەلگىلەندى. قازىرگى تاڭدا تۇركىستان وبلىسى بويىنشا 297،8 ازاماتقا 11،3 ملرد.تەڭگەگە الەۋمەتتىك تولەمدەر بەرىلدى.
– جالاقىسى ساقتالمايتىن دەمالىستا جۇرگەن جانە تولەمگە قۇقىعى بار قىزمەتكەرلەردىڭ ءتىزىمىن جۇمىس بەرۋشىلەر egov.kz جانە 42500.enbek.kz پورتالدارى ارقىلى ۇسىنادى. ولاردىڭ قىزمەتىنىڭ شەكتەلۋ فاكتىسىن قۇرامىنا ۇلتتىق كاسىپكەرلەر پالاتاسى مەن كاسىپوداقتاردىڭ وكىلدەرى كىرەتىن اۋداندىق جانە قالالىق شتابتار راستايدى. باسقا ساناتتاعى ازاماتتار تولەمدەردى تاعايىنداۋ ءۇشىن ءوز بەتىنشە ءوتىنىش بەرەدى. ءوزىن-وزى جۇمىسپەن قامتىعان ادامدارعا ءبىرجولعى تولەمگە ءوتىنىش بەرۋ ءۇشىن ءبىرىڭعاي جيىنتىق تولەمدى (بجت) قايتا تولەۋ مىندەتتى ەمەس. وتىنىشتەر 2020 جىلعى 1 قىركۇيەككە دەيىن قابىلدانادى، – دەدى ءاسيا قۇرال قىزى.
اعىمداعى جىلدىڭ شىلدە ايىندا شەكتەۋ شارالارىنىڭ ەنگىزىلۋىنە بايلانىستى تابىسىنان ايىرىلعان جاعدايدا ءماسق-تان ءبىرجولعى تولەم تاعايىنداۋ تۋرالى وتىنىمدەردى كەلەسى پورتالدار ارقىلى بەرۋگە بولادى: «ەلەكتروندىق ۇكىمەت» ۆەب-پورتالى؛ 42500.enbek.kz پورتال؛ telegram-bot-تار؛ Aitu مەسسەندجەرىندەگى 42500.enbek.kz قوسىمشاسى؛ ەكىنشى دەڭگەيدەگى بانكتەردىڭ ءموبيلدى قوسىمشالارى مەن ينتەرنەت-رەسۋرستارى.
بۇدان بولەك، مەملەكەت باسشىسىنىڭ تاپسىرماسىنا سايكەس، توتەنشە جاعدايعا بايلانىستى اعىمداعى جىلدىڭ ءساۋىر-مامىر ايلارىندا وبلىستا 5 الەۋمەتتىك توپقا جاتاتىن ازاماتتارعا ازىق-تۇلىك-تۇرمىستىق جيىنتىقتارمەن قامتاماسىز ەتۋ ءۇشىن وتەماقى رەتىندە 5567 تەڭگە بەرىلدى. بارلىعى وبلىس بويىنشا ءساۋىر-مامىر ايلارىندا 160،6 مىڭ ادام 1،8 ملرد.تەڭگەگە ازىق-تۇلىك-تۇرمىستىق جيىنتىعىمەن قامتىلعان. ول توپقا جاتاتىندار: اتاۋلى الەۋمەتتىك كومەك الۋشىلار قاتارىنداعى 6 جاستان 18 جاسقا دەيىنگى بالالار؛ مەديسينالىق-الەۋمەتتىك مەكەمەلەردە تۇراقتى تۇراتىن مۇگەدەكتەردى قوسپاعاندا، 16 جاسقا دەيىنگى مۇگەدەك بالالار؛ مەديسينالىق-الەۋمەتتىك مەكەمەلەردە تۇراقتى تۇراتىن مۇگەدەكتەردى قوسپاعاندا، بارلىق جاستاعى I، II، III توپتاعى مۇگەدەكتەر؛ مۇگەدەك بالا تاربيەلەپ وتىرعان ادامدار؛ جۇمىسپەن قامتۋ ماسەلەلەرى جونىندەگى جەرگىلىكتى ورگاندا تىركەلگەن جۇمىسسىزدار. قوسىمشا اعىمداعى جىلدىڭ 20 شىلدەسىنەن باستاپ ايدىڭ سوڭىنا دەيىن اتالعان ساناتتاعى ازاماتتارعا ازىق-تۇلىك-تۇرمىستىق جيىنتىعى بەرىلەتىن بولادى.
سونداي-اق، باسپا ءسوز ءماسليحاتىنا قاتىسقان ق ر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى مارات ارحاروۆ شەكتەۋ شارالارى كەزىندەگى مۇگەدەكتىكتىڭ تاعايىندالۋى مەن تانىلۋى جايىن ءسوز ەتتى. سونىمەن قاتار، وبلىستىق ەڭبەك ينسپەكسياسى جونىندەگى باسقارما باسشىسىنىڭ ورىنباسارى بەگمان نۇرماحانوۆ شەكتەۋ ءىس-شارالارىن ەنگىزۋگە بايلانىستى كىرىسىنەن ايىرىلعان ادامداردىڭ ءتىزىمىن جانە تالاپتارعا سايكەس كەلۋىن جۇمىس بەرۋشى ايقىندايتىنىن ايتتى. جۇمىس بەرۋشى قاعيدا تالاپتارىن ساقتاماعان جاعدايدا جۇمىسشى ەڭبەك ينسپەكسياسى جونىندەگى جەرگىلىكتى ورگانعا ارىزدانۋعا بولاتىنىن جەتكىزدى.
تۇركىستان وبلىسىنىڭ وڭىرلىك كوممۋنيكاسيالار قىزمەتى
