ورداباسى اۋدانى, بٶگەن سۋ قويماسىنىڭ ماڭىندا جٷرگٸزٸلگەن ارحەولوگييالىق قازبا جۇمىستارى بارىسىندا قولا دەۋٸرٸنە تيەسٸلٸ اسا قۇندى جەدٸگەرلەر تابىلىپ, ەلٸمٸزدٸڭ كٶنە مەدەنيەتٸ مەن ٶركەنيەتٸنٸڭ جاڭا بەتتەرٸ اشىلۋدا,- دەپ حابارلايدى Dalanews.kz
بەلگٸلٸ ارحەولوگ ا.ن. پودۋشكين جەتەكشٸلٸك ەتكەن عىلىمي ەكسپەديتسييالىق قازبا جۇمىستارى نەتيجەسٸندە 60–40 مىڭجىلدىق كەزەڭٸنە جاتاتىن تاس قۇرالدار, التىنمەن كٶمكەرٸلگەن ەشەكەيلەر, قولادان جاسالعان بٸلەزٸكتەر مەن تۇرمىستىق بۇيىمدار, جاۋىنگەردٸڭ قارۋ-جاراقتارى, ورتاعاسىرلىق مىس تيىندار تابىلدى.
مامانداردىڭ ايتۋىنشا, بۇل – ورتالىق ازييا تاريحى ٷشٸن تىڭ جاڭالىق, سەبەبٸ مۇنداي جەدٸگەرلەر العاش رەت ورتا ازييا بويىنشا ورداباسى اۋماعىنان تابىلىپ وتىر. بارلىق تابىلعان بۇيىمدار عىلىمي تۇرعىدا زەرتتەلٸپ, «ورداباسى» ۇلتتىق تاريحي-مەدەني قورىق-مۋزەيٸنٸڭ قورىنا ٶتكٸزٸلەدٸ.
بۇل جۇمىستار ورداباسى ٶڭٸرٸن ەجەلگٸ ٶركەنيەت پەن مەدەنيەتتٸڭ ماڭىزدى ورتالىعى بولعانىن ايعاقتايدى.
