– 31-ناۋرىز كۇنى 1-پاسيەنتتىڭ كوروناۆيرۋس ىندەتىن جۇقتىرعانى تىركەلدى. نۇر-سۇلتان قالاسىنان كەلگەن بۇل ناۋقاسپەن بايلانىستا بولعان ادامداردى تەكسەرۋ بارىسىندا، تاعى 3 وتباسى مۇشەسىنىڭ ساراپتاماسى وڭ ناتيجە بەردى. سونىمەن قاتار، الماتى قالاسىنان كەلگەن 1 ازاماتتا COVID-19 ساراپتاماسى وڭ قورىتىندى بەردى. قازىرگى تاڭدا ناۋقاستار دارىگەر باقىلاۋىنا الىنىپ، جاعدايى قاناعاتتانارلىق دارەجەدە. قارىم-قاتىناستا بولعان بارلىق ادامعا ستاسيونارلىق وقشاۋلاۋ شارالارى جۇرگىزىلدى. ءتيىستى حاتتاماعا سايكەس، ەمدىك شارالار جاسالىنۋدا، – دەدى نۇربەك سادىقبەك ۇلى.
بۇدان وزگە، 31-ناۋرىز كۇنى ناۋقاس تۇرعان ءۇي-جايلاردى دەزينفەكسيالاۋ جانە سانيتارلىق وڭدەۋ شارالارى وتكىزىلدى. 31-ناۋرىزدا كوروناۆيرۋس ينفەكسياسىن جۇقتىرعان ناۋقاس جەتىساي اۋداندىق ورتالىق اۋرۋحاناسىندا ەم الۋدا. ناۋقاسپەن جاقىن قارىم-قاتىناستا بولعان انىقتالۋدا.
وبلىستا 2020 جىلعى 31 ناۋرىزداعى جاعداي بويىنشا Covid -19 كوروناۆيرۋستىق ينفەكسيادان قولايسىز ەلدەردەن كەلگەن 495 ادام مونيتورينگتىك باقىلاۋعا الىنعان. ونىڭ ىشىندە 1 «ا» ساناتىنداعى ەلدەردەن كەلگەنى - 9 ادام، 1 «ب» ساناتىنداعى ەلدەردەن كەلگەنى – 486 ادام بار.
تۇركىستان وبلىسىنىڭ وڭىرلىك كوممۋنيكاسيالار قىزمەت
