مونيتورينگتىك توپ قۇرامىندا "Nur Otan" پارتياسى تۇركىستان وبلىستىق فيليالى ءتوراعاسىنىڭ ورىنباسارى پ.تۇرسىنبايەۆ، تۇركىستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى فارماسيەۆتيكالىق ينسپەكتورات ءبولىمىنىڭ باسشىسى ب.بايعازييەۆ، «تۇركىستان-ادالدىق الاڭى» جوبالىق كەڭسەسىنىڭ مەنەدجەرى گ.قارسىباي جانە وزگە دە ازاماتتار بولدى. اتالعان توپ وبلىس ورتالىعىنداعى 10-عا جۋىق ءدارىحانانى ارالادى.
مونيتورينگ بارىسىندا دارىلىك زاتتاردى شەكتىك باعادان تىس ساۋدالاعاندار انىقتالدى. سونىمەن بىرگە اسا قاجەتتى كەيبىر دارىلەردىڭ تاپشىلىعى دا بايقالدى. سونداي-اق، دارىلەردىڭ شەكتىك باعاسى جازىلعان ارنايى ءتىزىم ىلىنبەگەن. تىركەلگەن كەمشىلىكتەر بويىنشا ءدارىحانا قوجايىندارىنا ەسكەرتۋ بەرىلدى.
جالپى "Nur Otan" پارتياسى تۇركىستان وبلىستىق فيليالى مەن اۋداندىق فيليالدارى وبلىس كولەمىندە اپتا بويى مونيتورينگتىك جۇمىستى جالعاستىرادى. سەبەبى، كارانتين كەزىندە اتالعان ماسەلە بويىنشا تۇرعىندار تاراپىنان ارىز-شاعىمدار ءجيى ءتۇسىپ تۇرادى.
"Nur Otan" پارتياسى تۇركىستان وبلىستىق فيليالىنىڭ باسپا ءسوز قىزمەتى
