ونلاين تولەمدەر تەحنولوگياسىنا نەگىزدەلگەن Halyk Pos قوسىمشاسى NFCء-مودۋلى بار Android بازاسىنداعى سمارتفوندى قوسالقى جابدىقسىز POS-تەرمينالعا اينالدىرۋعا مۇمكىندىك بەرەدى. ول شاعىن ساۋدا-سەرۆيستىك كاسىپورىندار ءۇشىن ارنالعان جانە كونتاكتىسىز تولەمدەر جاساۋعا بولادى. بۇل ساۋدا-سەرۆيستىك سالادا ەلەكتروندىق تولەمدەردى قابىلداۋ مۇمكىندىكتەرىن ايتارلىقتاي ۇلعايتىپ، ساۋدا نۇكتەسىندە كليەنتتەر بازاسىن كوبەيتۋگە جانە ەكۆايرينگ قىزمەتتەرىنە قوسىلۋ قۇنىن بارىنشا ازايتۋعا مۇمكىندىك بەرەدى.
Halyk Bank ترانزاكسيالىق بيزنەسى دەپارتامەنتىنىڭ ديرەكتورى گۇلسىم دۋشاتوۆا: «Halyk Pos قوسىمشاسى ينكاسساسياعا شىعىنداردى قىسقارتۋعا جانە قولما-قول اقشاسىز تولەمدەردى بەلسەندى قابىلداۋعا مۇددەلى ميكرو جانە شاعىن بيزنەسكە ارنالعان. سونداي-اق، كونتاكتىسىز تولەمدەر قابىلداۋ جەلىسىن كەڭەيتۋ، كليەنتتەر بازاسىن ۇلعايتۋ جانە ەكۆايرينگ قىزمەتتەرىنە قوسىلۋعا شىعىنداردى تومەندەتۋ ارقىلى كاسىپكەرلەردىڭ بيزنەس-پروسەستەرىن وڭتايلاندىرۋعا مۇمكىندىك بەرەدى. بولشەك ساۋدادا دا كونتاكتىسىز تەحنولوگيالاردىڭ كومەگىمەن جىلدام، ىڭعايلى جانە ءقاۋىپسىز تولەم جۇرگىزۋ مۇمكىندىگىنە يە بولادى»،- دەدى.
اتالعان جۇيە ارقىلى تولەمدەر قابىلداۋعا قوسىلۋ ءۇشىن كاسىپكەر Halyk Pos قوسىمشاسىن جۇكتەپ، Halyk Bank-پەن ەكۆايرينگ شارتىن بەكىتۋى كەرەك. POS-تەرمينالدى تولىعىمەن الماستىرا الاتىن قوسىمشانى ورناتىپ، كونتاكىسىز POS-تەرمينالدىڭ بارلىق فۋنكسيالارىنا قوسىمشا قۇرىلعىلارسىز قول جەتكىزۋگە بولادى.
سونىمەن قاتار، POS-تەرمينالدىڭ ورنىنا سمارتفون، قوسىمشا جابدىق ساتىپ الۋدىڭ قاجەتى جوق. كونتاكتىسىز تولەمدەر قابىلداۋ 24/7 رەجىمىندە. كەز كەلگەن بانك كارتاسىمەن جانە سمارتفون ارقىلى تولەۋگە بولادى. بۇدان وزگە، قارجىلىق وپەراسيالار تۋرالى ناقتىلانعان ەسەپ الۋعا مۇمكىندىك بار.
ايتا كەتەرلىگى، 2020 جىلعى 1 قىركۇيەكتەن باستاپ 30 قازانعا دەيىن Halyk Pos قىزمەتىن قوسىپ، 2020 جىلعى 30 قاراشاعا دەيىن كارتالار بويىنشا تولەمدەردى كوميسسياسىز قابىلداۋعا بولادى.اكسيا تالاپتارى: 2020 جىلدىڭ 30 قاراشاسىنۆ دەيىن Halyk Pos ارقىلى جاسالعان بارلىق تولەمدەرگەن 0% كوميسسيا.
اكسيا جۇرگىزىلەتىن كەزەڭدە جەڭىلدىكتى تاريف ءليميتى – 1 000 000 تەڭگە
ءوز كەزەگىندە، تۇتىنۋشىلار – بولشەك بيزنەس كليەنتتەرى – قوسىمشا مۇمكىندىكتەرگە يە بولىپ، كونتاكتىسىز كارتالار، سمارتفوندار، تاعىپ جۇرەتىن NFC-قۇرىلعىلار - Smart-ساعات، ساقينا مەن براسلەتتەر ارقىلى ءقاۋىپسىز، جىلدام جانە ىڭعايلى تولەم جۇرگىزە الادى.
