بۇعان العاش كۇمان كەلتىرىپ ەدىك، كۇنى كەشە مۇنى تولەشيەۆتىڭ قورعاۋشىسى ەۆگەنيي ياروۆسكيي راستاپتى.
زاڭگەردىڭ ايتۋىنشا حاتتامالار تولەشيەۆتىڭ تۇسىنىكتەمەسى نەگىزىندە جازىلىپ، وعان ءوز اتىنان قول قويىلعان.
«تەرگەۋشىلەر وعان ءتىس باتىرعان جوق. ەشقانداي قىسىم جاسالمادى» دەيدى ياروۆسكيي.
«ءيا، سولاي. تۇسىنىكتەمەنى ءوز ەركىمەن بەردى. ماعان شاعىمدانعان جوق. ەگەر وعان بىرەۋ قىسىم كورسەتسە، بىردەن ماعان ايتار ەدى…قانداي تۇسىنىكتەمە بەردى، ەندەشە بارلىعى سولاي بولعان. تۇسىنىكتەمە عالامتورعا تاراپ كەتتى. ول ميتينگ ۇيىمداستىرعانىنا وكىنەتىنىن ءوز كوزدەرىڭىزبەن كوردىڭىزدەر» دەيدى زاڭگەر.
تولەشيەۆ نە دەگەن سوندا؟ ءوز قولىمەن جازعان تۇسىنىكتەمەدە اتىشۋلى باسبۇزار اتىراۋداعى ميتينگىنى ءدال ءوزى ۇيىمداستىرعانىن مويىنداعان. جوسپارىن جۇزەگە اسىرۋ ءۇشىن ءقازىر تۇرمەدە جاتقان تالعات اياندى ىسكە تارتقان. سوڭعىسىنا قاتىستى ءقازىر تەرگەۋ امالدارى جۇرۋدە.
16 قىلمىستىق ءىس بويىنشا ايىپ تاعىلعان تولەشيەۆكە قاتىستى سوت بۇگىن استانادا وتەدى.
دەرەككوزى: kaz.365info.kz
