پرەزيدەنت قاسىم-جومارت توقاەۆتىڭ تٶراعالىعىمەن قاۋٸپسٸزدٸك كەڭەسٸنٸڭ ناركوتيزمگە قارسى ٸس-قيمىل مەسەلەلەرٸ جٶنٸندەگٸ وتىرىسى ٶتتٸ, دەپ حابارلايدى Dalanews.kz.
جيىندا ٸشكٸ ٸستەر مينيسترٸ ەرجان سەدەنوۆتٸڭ, ۇلتتىق قاۋٸپسٸزدٸك كوميتەتٸنٸڭ تٶراعاسى ەرمەك ساعىمباەۆتىڭ, دەنساۋلىق ساقتاۋ مينيسترٸ اقمارال ەلنازاروۆانىڭ جەنە قارجىلىق مونيتورينگ اگەنتتٸگٸنٸڭ تٶراعاسى جانات ەليمانوۆتىڭ باياندامالارى تىڭدالدى.
مەملەكەت باسشىسىنىڭ ايتۋىنشا, بۇل ەلەۋمەتتٸك كەسەلدٸڭ بەلەڭ الۋىنا قاتىستى احۋال ەلٸمٸزدە دە, حالىقارالىق اۋقىمدا دا الاڭداتارلىق جاعدايعا جەتتٸ.
– ناركوتيزم – زاماننىڭ دەرتٸ, قوعام ٷشٸن اسا قاۋٸپتٸ. ول جاستاردىڭ بولاشاعىنا بالتا شابادى. ۇلت ساۋلىعىنا قاتەر تٶندٸرەدٸ. ناشاقورلىق پەن ەسٸرتكٸ بيزنەسٸندەگٸ ەلەمدٸك ٷردٸس الاڭداتارلىق سيپاتقا يە بولدى. كٶپتەگەن ەلدٸڭ ٷكٸمەتتەرٸ اتالعان پروبلەمانى فيزيكالىق جەنە پسيحيكالىق تەۋەلدٸلٸك قانا ەمەس, اۋقىمدى قوعامدىق, ەكونوميكالىق جەنە قۇقىقتىق قۇبىلىس رەتٸندە قاراستىرا باستادى. ناركوتيزم تەرمينٸ مۇنداي تەسٸلدٸڭ مەن-ماعىناسىن اشادى, – دەدٸ قاسىم-جومارت توقاەۆ.
ساراپشىلار مەن عالىمدار ناركوتيزم ۇعىمىنىڭ ناشاقورلىقتان ەلدەقايدا كەڭ ەكەنٸن, ەلەۋمەتتٸك, ەكونوميكالىق جەنە قۇقىقتىق پروبلەمالارمەن, سونىڭ ٸشٸندە ۇلتتىق قاۋٸپسٸزدٸك مەسەلەسٸمەن ۇشتاسىپ جاتقانىن ايتادى.
پرەزيدەنت ەسٸرتكٸگە تەۋەلدٸلەر ەمدەۋ-ساۋىقتىرۋ شارالارىمەن جەتكٸلٸكتٸ دەڭگەيدە قامتىلماي وتىرعانىنا نازار اۋدارىپ, مەسەلەنٸ شەشۋ قاجەت ەكەنٸن مەلٸمدەدٸ.
– ەسٸرتكٸگە تەۋەلدٸ جانداردىڭ كٶپشٸلٸگٸ مەن ولاردىڭ جاقىندارى جارييالىلىقتان جەنە جۇرتشىلىقتىڭ تالقىلاۋىنان قاۋٸپتەنٸپ, پروبلەماسىن جاسىرادى, – دەدٸ مەملەكەت باسشىسى.
بۇل رەتتە مەملەكەتتٸك ساياساتتىڭ ناشاقورلارعا كەڭشٸلٸك تانىتىپ, ال ەسٸرتكٸ ساۋداسىنا كەلگەندە قاتاڭ جەنە مٷلدە تٶزبەۋشٸلٸك ۇستانىمدا بولۋعا تيٸس ەكەنٸ ايتىلدى.
قاسىم-جومارت توقاەۆ اتالعان ٸندەتكە قاتىستى ستاتيستيكالىق مەلٸمەتتەردٸ جيناۋ مەن ٶڭدەۋ باعىتىنداعى اقپاراتتىق-ساراپتامالىق جۇمىستى جەتٸلدٸرۋ, سونداي-اق حيمييالىق زاتتاردىڭ تارالۋىن قاداعالاۋ مەسەلەلەرٸن تاعى بٸر ماڭىزدى مٸندەت دەپ سانايدى.
