مەملەكەت باسشىسى ەلٸمٸزدٸڭ بٸرقاتار ٶڭٸرٸندەگٸ سۋ تاسقىنىنا بايلانىستى قالىپتاسقان كٷردەلٸ جاعدايدى ەسكەرە وتىرىپ, سونداي-اق بيۋدجەت قارجىسىن ٷنەمدەۋ ماقساتىندا ٷكٸمەتكە, ورتالىق مەملەكەتتٸك جەنە جەرگٸلٸكتٸ اتقارۋشى ورگاندارعا يميدجدٸك جەنە باسقا دا ٸرٸ ٸس-شارالاردى ٶتكٸزبەۋ جٶنٸندە تاپسىرما بەردٸ, دەپ حابارلايدى Dalanews.kz.
“مەن بيۋدجەت قارجىسىن ٷنەمدەۋ ماقساتىندا ٸرٸ حالىقارالىق فورۋمدى ٶتكٸزۋدەن باس تارتتىم. سونىمەن قاتار دٷنيەجٷزٸلٸك كٶشپەندٸلەر ويىندارىنا جۇمسالاتىن شىعىندى قىسقارتامىز. ەرينە, قازٸر بۇل شارادان تٷپكٸلٸكتٸ باس تارتۋ مٷمكٸن ەمەس. بٸراق وعان جۇمسالاتىن قارجى كٶلەمٸ ايتارلىقتاي ازايادى. بۇدان بٶلەك, ەلٸمٸزدٸڭ توكيودا ٶتەتٸن دٷنيەجٷزٸلٸك كٶرمەگە قاتىسۋىنا بٶلٸنگەن بيۋدجەت تە قىسقارادى”, – دەدٸ پرەزيدەنت.
ەسكە سالايىق, بۇعان دەيٸن مەملەكەت باسشىسى قاسىم-جومارت توقاەۆ اعىمداعى جىلدىڭ 13-14 ماۋسىمىندا بولاتىن استانا حالىقارالىق فورۋمىن ٶتكٸزبەۋ تۋرالى شەشٸم قابىلدادى.
"مەملەكەت باسشىسى قاسىم-جومارت توقاەۆ ەلٸمٸزدەگٸ جويقىن سۋ تاسقىنىنىڭ سالدارىن جويۋ جەنە زارداپ شەككەن ازاماتتارعا كٶمەكتەسۋ ٷشٸن باسقا شارالارعا جۇمسالاتىن قارجىنى بارىنشا ٷنەمدەۋ قاجەت ەكەنٸن ەسكەرە وتىرىپ, بيىلعى 13-14 ماۋسىمعا جوسپارلانعان استانا حالىقارالىق فورۋمىن ٶتكٸزبەۋ تۋرالى شەشٸم قابىلدادى", – دەپ مەلٸم ەتتٸ اقوردا باسپاسٶز قىزمەتٸ.
پرەزيدەنت فورۋمعا شاقىرىلعان قوناقتار بۇل شەشٸمگە تٷسٸنٸستٸكپەن قارايدى دەپ سەنەتٸنٸن جەتكٸزدٸ. استانا حالىقارالىق فورۋمى ٶز جۇمىسىن 2025 جىلى جالعاستىراتىن بولادى.
استانا حالىقارالىق فورۋمى شەتەل ٷكٸمەتتەرٸنٸڭ, حالىقارالىق ۇيىمداردىڭ, ٸرٸ كومپانييالاردىڭ, ٸسكەرلٸك جەنە اكادەمييالىق قاۋىمداستىقتىڭ جوعارى لاۋازىمدى دەلەگاتتارى اراسىنداعى ديالوگ الاڭى بولدى. بيىل فورۋم ەكٸنشٸ رەت ٶتۋگە تيٸس ەدٸ.
ايتا كەتەيٸك, بٷگٸن پرەزيدەنت قاسىم-جومارت توقاەۆ سولتٷستٸك قازاقستان وبلىسىنىڭ سۋ باسقان اۋماعىن تٸكۇشاقپەن ارالاپ كٶرگەننەن كەيٸن قارعىن سۋ سالدارىنان ەۆاكۋاتسييالانعان اۋدانداردىڭ حالقىمەن كەزدەستٸ.
