مەملەكەت باسشىسى سينگاپۋر رەسپۋبليكاسىنىڭ پرەزيدەنتٸ تارمان شانمۋگاراتناممەن كەلٸسسٶز جٷرگٸزدٸ, دەپ حابارلايدى Dalanews.kz.
قاسىم-جومارت توقاەۆ قازاق دەلەگاتسيياسىنا سىي-قۇرمەت كٶرسەتكەنٸ ٷشٸن العىس ايتىپ, بۇل 20 جىلدان استام ۋاقىت ٸشٸندە قازاقستان پرەزيدەنتٸنٸڭ سينگاپۋرعا جاساعان بٸرٸنشٸ ساپارى ەكەنٸن اتاپ ٶتتٸ. سونداي-اق 1970-جىلدارى كەڭەس وداعىنىڭ ديپلوماتى رەتٸندە قىزمەت ەتكەندٸكتەن, بۇل ەلدٸ ٶتە جاقسى بٸلەتٸنٸن جەنە اراعا ۋاقىت سالىپ مۇندا قازاقستان پرەزيدەنتٸ رەتٸندە قايتا كەلگەنٸنە قۋانىشتى ەكەنٸن جەتكٸزدٸ.
مەملەكەت باسشىسى سينگاپۋردى ۋاقىت سىنىنان ٶتكەن سەنٸمدٸ سەرٸكتەس سانايدى. بٷگٸندە قازاقستاندا 140-تان استام سينگاپۋرلىق كومپانييا مەن بٸرلەسكەن كەسٸپورىن جۇمىس ٸستەيدٸ. بۇل رەتتە سينگاپۋردىڭ قازاقستان ەكونوميكاسىنا سالعان ينۆەستيتسيياسى 1,7 ميلليارد دوللاردان استى. پاندەمييا سالدارىنان تۋىنداعان ەكونوميكالىق قيىندىقتارعا قاراماستان, ەكٸجاقتى ساۋدا كٶلەمٸ كٶپ ۇزاماي 2 ميلليارد دوللاردان اسادى.
قازاقستان پرەزيدەنتٸنٸڭ ايتۋىنشا, ەلٸمٸز سەنٸمدٸ ساياسي ديالوگقا, قارقىندى دامىپ كەلە جاتقان ساۋدا جەنە ينۆەستيتسييالىق بايلانىستارعا باعىتتالعان ەكٸجاقتى ىنتىماقتاستىقتىڭ مٷلدە جاڭا كەزەڭٸنە جول اشۋعا نيەتتٸ.
