مەملەكەت باسشىسى قحر ءتوراعاسىنا قۇتتىقتاۋ جەدەلحاتىن جولدادى، دەپ حابارلايدى Dalanews.kz.
قاسىم-جومارت توقايەۆ سي ءسزينپيندى جۇڭگو كۇنتىزبەسىنىڭ جاڭا جىلى – چۋنسزە مەرەكەسىمەن قۇتتىقتادى.
"مىزعىماس دوستىق پەن ءتيىمدى ىقپالداستىققا نەگىزدەلگەن سان قىرلى قارىم-قاتىناسىمىزدىڭ تىڭ قارقىنمەن دامىپ كەلە جاتقانى قۋانتادى. وسى يگى ىسكە ءسىزدىڭ قوسقان ۇلەسىڭىزدى جوعارى باعالايمىن. قازىرگىدەي قۇبىلمالى كەزەڭدە ءوزارا قولداۋ كورسەتىپ، حالىقارالىق دەڭگەيدە ۇيلەسىمدى ارەكەت ەتە وتىرىپ، ورتاق مۇددەلەرىمىزدى قورعاۋدىڭ، ەلدەرىمىز اراسىنداعى ىنتىماقتاستىقتى نىعايتۋدىڭ ماڭىزى زور. بۇل باعىتتاعى ءسىزدىڭ بەرىك ۇستانىمىڭىزدى تولىق قۇپتايمىن"، – دەپ جازىلعان جەدەلحاتتا.
پرەزيدەنت قحر ءتوراعاسىنىڭ جاھاندىق باستامالارىنا ساتتىلىك، ال جۇڭگو حالقىنا باق-بەرەكە تىلەدى.
