پرەزيدەنت مەملەكەتتٸك ماراپات جەنە ەسكەري شەن تاپسىرۋ رەسٸمٸندە سٶز سٶيلەدٸ, دەپ حابارلايدى dalanews.kz.
مەملەكەت باسشىسى – قازاقستان قارۋلى كٷشتەرٸ جوعارعى باس قولباسشىسى قاسىم-جومارت توقاەۆ ساردارلار مەن ساربازداردى, جيىنعا قاتىسۋشىلاردى وتان قورعاۋشى كٷنٸمەن جەنە جەڭٸس كٷنٸمەن قۇتتىقتادى.
"قوس مەرەكەنٸڭ مەن-مازمۇنى – ٷندەس, تاعىلىمى – ورتاق. وسى مەيرامداردا ەلٸمٸزدٸڭ ەرلٸك دەستٷرٸ كەڭٸنەن دەرٸپتەلەدٸ. بٸز بۇل كٷندەرٸ جۇرتىمىزعا قورعان بولىپ جٷرگەن ەرلەرگە قۇرمەت كٶرسەتەمٸز. سونداي-اق سۇراپىل سوعىستا وتان ٷشٸن وت كەشكەن باتىرلاردىڭ رۋحىنا تاعزىم ەتەمٸز. قازاق – شەكاراسىن اق نايزانىڭ ۇشىمەن, اق بٸلەكتٸڭ كٷشٸمەن بەكەمدەگەن قاھارمان حالىق, ەرجٷرەك ۇلت. باتىر بابالارىمىز ەل تاعدىرى سىنعا تٷسكەن سەتتە بٸر تۋدىڭ استىنا جينالعان. بٸرلٸگٸن نىعايتىپ, جۇرتىن جاۋدان قورعاعان. بايتاق دالانى كٶزدٸڭ قاراشىعىنداي ساقتاپ, ۇرپاققا امانات ەتكەن. وسى اماناتقا ادال بولۋ – بٸزدٸڭ قاستەرلٸ بورىشىمىز. بٸرتۇتاس قازاقستان حالقى مۇنى جاقسى تٷسٸنەدٸ. ناۋرىز ايىنداعى كونستيتۋتسييالىق رەفورما – سونىڭ ايقىن دەلەلٸ. ساياسي ناۋقان كەزٸندە بٸز ەڭ الدىمەن ٶسكەلەڭ ۇرپاق الدىنداعى جاۋاپكەرشٸلٸكتٸ تەرەڭ سەزٸنە وتىرىپ, تاريحي تاڭداۋىمىزدى جاسادىق. بەرٸمٸز بٸر ەل بولىپ, جاڭا كونستيتۋتسييانى قابىلدادىق. مۇنى ۇلت بولاشاعىنا تٸكەلەي ىقپال ەتەتٸن اسا ماڭىزدى شەشٸم دەسەك, قاتە بولمايدى", – دەدٸ پرەزيدەنت.
قاسىم-جومارت توقاەۆ كونستيتۋتسييا مەملەكەتتٸگٸمٸز بەن ەگەمەندٸگٸمٸزدٸڭ مىزعىماس كەپٸلٸ ەكەنٸن اتاپ ٶتتٸ.
"باس قۇجاتتا حالقىمىزدىڭ مٷددەسٸ, ماقسات-مۇراتى مەن بٸرەگەي قۇندىلىقتارى كٶرٸنٸس تاپتى. جاڭا اتا زاڭدا ەگەمەندٸك پەن تەۋەلسٸزدٸكتٸ قورعاۋ, ازاماتتاردىڭ قۇقىقتارى مەن بوستاندىقتارىن ساقتاۋ, حالقىمىزدىڭ ەل-اۋقاتىن ارتتىرۋ, بٸرلٸگٸن كٷشەيتۋ بۇلجىماس قاعيدات رەتٸندە ايقىندالدى. ادام كاپيتالىن, بٸلٸم-عىلىمدى, يننوۆاتسييانى دامىتۋ مەملەكەت قىزمەتٸنٸڭ ستراتەگييالىق باعىتى رەتٸندە بەكٸتٸلدٸ. وسىلايشا, بٸز زاڭ مەن تەرتٸپ ٷستەمدٸك قۇراتىن, بارشاعا بٸردەي مٷمكٸندٸك بەرٸلەتٸن, ەدٸلەتتٸ, قۋاتتى, ٶركەنيەتتٸ مەملەكەت قۇرۋ جولىنا بەت الدىق. قازاقستاننىڭ ماقساتى – بيٸك, باعدارى – ايقىن. ىرىستى ىنتىماعىمىزدى جەنە بەرەكەلٸ بٸرلٸگٸمٸزدٸ ساقتاي بٸلسەك, وسى مۇراتىمىزعا جەتەمٸز", – دەدٸ مەملەكەت باسشىسى.
