مەملەكەت باسشىسى قاسىم-جومارت توقايەۆ تۆەر وبلىسىنا جاساعان ساپارى اياسىندا رجيەۆتەگى سوۆەت سولداتىنا ارنالعان مەموريالعا گۇل شوعىن قويۋ راسىمىنە قاتىستى. پرەزيدەنت قۇرمەت قاراۋىلىمەن بىرگە ەسكەرتكىشكە گۇل شوعىن قويىپ، قازا تاپقان جاۋىنگەرلەردىڭ رۋحىنا تاعزىم ەتتى.

بيىكتىگى شامامەن 25 مەتر بولاتىن قولادان قۇيىلعان سولدات ءمۇسىنى ون مەترلىك قورعان توبەنىڭ باسىنا ورناتىلعان. قۇرىش قابىرعالاردا وتان قورعاۋشى جاۋىنگەرلەردىڭ ەسىمدەرى جازىلعان.

رجيەۆ شايقاسى – قاندى قىرعىن بولعان ەڭ سۇراپىل سوعىستىڭ ءبىرى. كەڭەس اسكەرى بۇل جەردە، ءىز-تۇزسىز جوعالعاندار مەن جارالانعانداردى قوسا العاندا، 1،3 ميلليوننان استام ادامىنان ايىرىلدى.