پرەزيدەنت قاسىم-جومارت توقاەۆ اقوردادا حالىقارالىق پەن وليمپيادالارىندا جەڭٸمپاز اتانىپ, جٷلدەلٸ ورىندارعا يە بولعان وقۋشىلارمەن جەنە ستۋدەنتتەرمەن كەزدەستٸ, دەپ حابارلايدى dalanews.kz.
"بيىل وقۋشىلارىمىز 44 حالىقارالىق وليمپيادا مەن عىلىمي سايىسقا قاتىسىپ, مىڭنان استام مەدال جەڭٸپ الدى. ونىڭ 200-دەن استامى – التىن مەدال. مۇنى تاماشا جەتٸستٸك دەۋگە بولادى. وسى تۇستا حالىقارالىق فيزيكا وليمپياداسىندا كەرەمەت ٶنەر كٶرسەتكەن وقۋشىلاردى ەرەكشە اتاپ ٶتكٸم كەلەدٸ. بەدەلدٸ بەسەكەگە قاتىسقان بەس تالاپكەرٸمٸزدٸڭ بەسەۋٸ دە التىن مەدال الىپ, جەڭٸمپاز اتاندى. بۇل – بۇرىن-سوڭدى بولماعان بٸرەگەي كٶرسەتكٸش. جالپى, بٸز بارلىق باعىتتار بويىنشا وسىنداي ٷزدٸك نەتيجەگە ۇمتىلۋىمىز كەرەك. قازاقستان جاستارىنىڭ ەلەۋەتٸ وعان تولىق جەتەدٸ", – دەدٸ قاسىم-جومارت توقاەۆ.
پرەزيدەنت قازٸر ەلٸمٸز تاريحي ٶرلەۋ كەزەڭٸنە قادام باسقانىنا نازار اۋداردى.
"بٸز بٸر ەل, بٸر حالىق بولىپ اۋقىمدى رەفورمالاردى جٷزەگە اسىردىق. جاڭا كونستيتۋتسييامىزدى قابىلدادىق. ەلٸمٸزدٸڭ باس قۇجاتىندا عىلىم مەن بٸلٸمگە, يننوۆاتسيياعا باسىمدىق بەردٸك. ەڭ باستىسى, جاڭا كونستيتۋتسييا ٶسكەلەڭ ۇرپاقتىڭ يگٸلٸگٸ ٷشٸن جازىلدى. كەشە عانا تاريحىمىزدا تۇڭعىش رەت قۇرىلتاي سايلاۋى ٶتتٸ. بۇل سايلاۋ سەتتٸ, مٸنسٸز ۇيىمداستىرىلدى دەپ ايتساق, قاتە بولماس. وسى مٷمكٸندٸكتٸ پايدالانىپ, بٷكٸل حالقىمىزعا ازاماتتىق كەمەلدٸك تانىتىپ, جاڭارۋ ستراتەگييامىزدى قولداعانى ٷشٸن مىڭ دا بٸر العىسىمدى ايتامىن. سايلاۋ كەزٸندە بٸر توپ بايقاۋشىلار, سونىڭ ٸشٸندە حالىقارالىق بايقاۋشىلار ٶتە تيٸمدٸ جۇمىس ٸستەدٸ. ولارعا دا زور ريزاشىلىعىمدى بٸلدٸرەمٸن. سونداي-اق ورتالىق سايلاۋ كوميسسيياسىنىڭ مٷشەلەرٸنە راحمەتٸمدٸ ايتامىن. ولار ٶتە تاباندى قىزمەت اتقاردى", – دەدٸ قاسىم-جومارت توقاەۆ.
