پرەزيدەنت ورتالىق ازييا جەنە ەزەربايجان مەملەكەتتەرٸ باسشىلارىنىڭ VIIٸ كونسۋلتاتيۆتٸك كەزدەسۋٸنە قاتىستى, دەپ حابارلايدى dalanews.kz.
مەملەكەت باسشىسى ايماقتاعى ەلدەردٸڭ شەكارا ماڭىندا قۇرىلعان ساۋدا-لوگيستيكا كەشەندەرٸ مەن ٶنەركەسٸپ كووپەراتسيياسى ورتالىقتارى مول مٷمكٸندٸككە جول اشاتىنىن اتاپ ٶتتٸ
قوسىلعان قۇننىڭ ٶڭٸرلٸك تٸزبەگٸن قۇرۋ ٷشٸن جاقىن ارادا ولاردى بٸر-بٸرٸمەن بايلانىستىرۋ قاجەت. جالپى, ەلدەرٸمٸزدە ينۆەستيتسييا, ەنەرگەتيكا, ٶندٸرٸس سالالارى مەن باسقا دا ستراتەگييالىق باعىتتاردا ٶزارا ىقپالداستىققا جاعداي جاسالعان, – دەدٸ قازاقستان پرەزيدەنتٸ.
قاسىم-جومارت توقاەۆتىڭ ايتۋىنشا, قازاقستان كٶلٸك ينفراقۇرىلىمىن دەيەكتٸ تٷردە دامىتىپ كەلەدٸ. بۇل ٶڭٸرلٸك قارىم-قاتىناس اياسىن كەڭەيتەدٸ.
مويىنتى – قىزىلجار جەنە داربازا – ماقتاارال تەمٸرجول جەلٸلەرٸنٸڭ قۇرىلىسى اياقتالۋعا تاياۋ. كەلەسٸ جىلى باقتى – اياگٶز باعىتى اشىلادى. بۇل – ٶتە ماڭىزدى, تٸپتٸ ستراتەگييالىق سيپاتى بار باعدارلار. قىتايدى كاسپيي تەڭٸزٸمەن جەنە ەۋروپا نارىعىمەن بايلانىستىراتىن ارال – كاسپيي ماگيسترالٸنٸڭ قۇرىلىسى باستالدى. قازاقستاننىڭ كٶلٸك ينفراقۇرىلىمىن اۋقىمدى تٷردە جاڭعىرتۋ تۇتاس ايماقتىڭ ترانزيتتٸك رٶلٸن كٷشەيتە تٷسەتٸنٸنە سەنٸمدٸمٸن. ترانسكاسپيي حالىقارالىق كٶلٸك دەلٸزٸن دامىتۋعا باسا مەن بەرٸلەدٸ. سوڭعى جىلداردىڭ ديناميكاسى ورتا دەلٸزگە سۇرانىستىڭ ارتىپ كەلە جاتقانىن كٶرسەتەدٸ. رەسەيمەن ىنتىماقتاستىق تۇرعىسىنان سولتٷستٸك – وڭتٷستٸك باعىتى دا قازاقستان ٷشٸن ٶزەكتٸ, – دەدٸ مەملەكەت باسشىسى.
