Prezident Ortalyq Aziia jáne Ázerbaijan memleketteri basshylarynyń VIII Konsýltativtik kezdesýine qatysty, dep habarlaidy dalanews.kz.
Memleket basshysy aimaqtaǵy elderdiń shekara mańynda qurylǵan saýda-logistika keshenderi men ónerkásip kooperatsiiasy ortalyqtary mol múmkindikke jol ashatynyn atap ótti
Qosylǵan qunnyń óńirlik tizbegin qurý úshin jaqyn arada olardy bir-birimen bailanystyrý qajet. Jalpy, elderimizde investitsiia, energetika, óndiris salalary men basqa da strategiialyq baǵyttarda ózara yqpaldastyqqa jaǵdai jasalǵan, – dedi Qazaqstan Prezidenti.
Qasym-Jomart Toqaevtyń aitýynsha, Qazaqstan kólik infraqurylymyn dáiekti túrde damytyp keledi. Bul óńirlik qarym-qatynas aiasyn keńeitedi.
Moiynty – Qyzyljar jáne Darbaza – Maqtaaral temirjol jelileriniń qurylysy aiaqtalýǵa taiaý. Kelesi jyly Baqty – Aiagóz baǵyty ashylady. Bul – óte mańyzdy, tipti strategiialyq sipaty bar baǵdarlar. Qytaidy Kaspii teńizimen jáne Eýropa naryǵymen bailanystyratyn Aral – Kaspii magistraliniń qurylysy bastaldy. Qazaqstannyń kólik infraqurylymyn aýqymdy túrde jańǵyrtý tutas aimaqtyń tranzittik rólin kúsheite túsetinine senimdimin. Transkaspii halyqaralyq kólik dálizin damytýǵa basa mán beriledi. Sońǵy jyldardyń dinamikasy Orta dálizge suranystyń artyp kele jatqanyn kórsetedi. Reseimen yntymaqtastyq turǵysynan Soltústik – Ońtústik baǵyty da Qazaqstan úshin ózekti, – dedi Memleket basshysy.
