مەملەكەت باسشىسى قاۋٸپسٸزدٸك كەڭەسٸنٸڭ وتىرىسىن ٶتكٸزدٸ, دەپ حابارلايدى dalanews.kz.
پرەزيدەنت قاسىم-جومارت توقاەۆتىڭ تٶراعالىعىمەن اسا ماڭىزدى مينەرالدار, سونىڭ ٸشٸندە سيرەك كەزدەسەتٸن مەتالدار سالاسىن دامىتۋ مەسەلەلەرٸ جٶنٸندە قاۋٸپسٸزدٸك كەڭەسٸنٸڭ وتىرىسى ٶتتٸ.
مەملەكەت باسشىسى قازاقستان رەسۋرس جەنە ٶندٸرٸس ەلەۋەتٸ جاعىنان ورتالىق ازييادا كٶش باستاپ تۇرعانىنا نازار اۋدارىپ, مۇنى مەملەكەت مٷددەسٸنە پايدالانۋ قاجەتتٸگٸن اتاپ ٶتتٸ.
"قازبا بايلىعى مول ەلدەر ٷشٸن ەلەمدەگٸ قازٸرگٸ احۋال تيٸمدٸ ەرٸ بٸرەگەي مٷمكٸندٸكتەرگە جول اشىپ وتىر", – دەدٸ مەملەكەت باسشىسى.
سونىمەن قاتار, پرەزيدەنت دٷنيە جٷزٸندە اسا ماڭىزدى ماتەريالدارعا قول جەتكٸزۋدە مەملەكەتتەر اراسىنداعى بەسەكەلەستٸك كٷشەيە تٷسكەنٸن ايتتى. بۇل باعىت جوعارى تەحنولوگييالىق سالالاردى دامىتۋ تۇرعىسىنان ستراتەگييالىق ماڭىزعا يە.
وسى ورايدا قازاقستان قولدا بار رەسۋرستار مەن ٶنەركەسٸپ ەلەۋەتٸن تيٸمدٸ پايدالانىپ, ٶز مٷمكٸندٸكتەرٸ مەن ٶندٸرٸس تٸزبەگٸن دەيەكتٸ تٷردە دامىتقانى جٶن.
جيىن بارىسىندا ٷكٸمەت مٷشەلەرٸ سالانىڭ قازٸرگٸ جاي-كٷيٸ, رەسۋرس قورىن يگەرۋ پەرسپەكتيۆاسى, قايتا ٶڭدەۋ باعىتىن دامىتۋ جەنە كەدەرگٸلەر تۋرالى ەسەپ بەردٸ.
وتىرىس قورىتىندىسى بويىنشا ٷكٸمەت پەن تيٸستٸ مەملەكەتتٸك ورگاندارعا سالانى دامىتۋعا قاتىستى جٷيەلٸ كٶزقاراس قالىپتاستىرۋ, رەتتەۋ تەتٸكتەرٸن جەتٸلدٸرۋ, گەولوگييالىق بارلاۋ مەن ٶڭدەۋ ٸسٸن دامىتۋ, تەحنوگەندٸ مينەرالدىق تٷزٸلٸمدەردٸ ەكونوميكالىق اينالىمعا قوسۋ, زەرتحانالار بازاسى مەن كادرلار قۇرامىن نىعايتۋ, سونداي-اق ەكٸمشٸلٸك كەدەرگٸلەردٸ جويۋ جٶنٸندە ناقتى تاپسىرمالار بەرٸلدٸ.
