Memleket basshysy Qaýipsizdik keńesiniń otyrysyn ótkizdi, dep habarlaidy dalanews.kz.
Prezident Qasym-Jomart Toqaevtyń tóraǵalyǵymen asa mańyzdy mineraldar, sonyń ishinde sirek kezdesetin metaldar salasyn damytý máseleleri jóninde Qaýipsizdik keńesiniń otyrysy ótti.
Memleket basshysy Qazaqstan resýrs jáne óndiris áleýeti jaǵynan Ortalyq Aziiada kósh bastap turǵanyna nazar aýdaryp, muny memleket múddesine paidalaný qajettigin atap ótti.
"Qazba bailyǵy mol elder úshin álemdegi qazirgi ahýal tiimdi ári biregei múmkindikterge jol ashyp otyr", – dedi Memleket basshysy.
Sonymen qatar, Prezident dúnie júzinde asa mańyzdy materialdarǵa qol jetkizýde memleketter arasyndaǵy básekelestik kúsheie túskenin aitty. Bul baǵyt joǵary tehnologiialyq salalardy damytý turǵysynan strategiialyq mańyzǵa ie.
Osy oraida Qazaqstan qolda bar resýrstar men ónerkásip áleýetin tiimdi paidalanyp, óz múmkindikteri men óndiris tizbegin dáiekti túrde damytqany jón.
Jiyn barysynda Úkimet músheleri salanyń qazirgi jai-kúii, resýrs qoryn igerý perspektivasy, qaita óńdeý baǵytyn damytý jáne kedergiler týraly esep berdi.
Otyrys qorytyndysy boiynsha Úkimet pen tiisti memlekettik organdarǵa salany damytýǵa qatysty júieli kózqaras qalyptastyrý, retteý tetikterin jetildirý, geologiialyq barlaý men óńdeý isin damytý, tehnogendi mineraldyq túzilimderdi ekonomikalyq ainalymǵa qosý, zerthanalar bazasy men kadrlar quramyn nyǵaitý, sondai-aq ákimshilik kedergilerdi joiý jóninde naqty tapsyrmalar berildi.
