پرەزيدەنت قاسىم-جومارت توقايەۆ ماسىموۆكە راقىمشىلىق بەرۋگە قاتىستى شەشىم قابىلدادى، - دەپ حابارلايدى Dalanews.kz.
Informburo.kz مالىمەتىنشە،پرەزيدەنت توقايەۆ مەملەكەتكە وپاسىزدىق جاساعانى جانە بيلىكتى باسىپ الۋعا تىرىسقانى ءۇشىن سوتتالعان ۇقكء-نىڭ بۇرىنعى باسشىسى كارىم ماسىموۆكە راقىمشىلىق جاساۋدان باس تارتۋ كەرەك دەگەن شەشىممەن كەلىسكەن.
پرەزيدەنت اكىمشىلىگى سوتتالعان ماسىموۆكە راقىمشىلىق جاساۋ تۋرالى ءوتىنىشىن 27 ماۋسىمدا ق ر پرەزيدەنتى جانىنداعى راقىمشىلىق جاساۋ ماسەلەلەرى جونىندەگى كوميسسيا قاراعانىن اتاپ ءوتتى.
ەسكە سالايىق، بۇعان دەيىن ءماجىلىس دەپۋتاتى ەرمۇرات باپي ۇلتتىق قاۋىپسىزدىك كوميتەتىنىڭ (ۇقك) بۇرىنعى ءتوراعاسى كارىم ماسىموۆتەن بوستاندىققا شىعۋ ءۇشىن قاڭتار تۋرالى بار شىندىقتى ايتۋ سۇرالعانىن ايتقان بولاتىن.
"ءماسىموۆ ۇيىمداستىرۋشى بولدى دەپ ويلامايمىن. سوندىقتان باتىل مالىمدەمە جاساسا، وعان جۇمساق قاراۋعا بولادى. مىسالى، ول قاۋىپسىزدىك كەڭەسى ءتوراعاسىنىڭ بۇيرىقتارىن ورىنداۋعا ءماجبۇر بولسا (قاڭتار وقيعاسىنا دەيىن ونى نۇرسۇلتان نازاربايەۆ باسقاردى). كارىم ءماسىموۆ ۇزاق جىل بويى پرەمەر-مينيستر جانە نازاربايەۆتىڭ سەنىمدى ادامى بولدى. ول ونىڭ جەكە تاپسىرمالارىن ورىنداپ قانا قويماي، تۇڭعىش پرەزيدەنتتىڭ جەكە بيزنەسىن دە جۇرگىزىپ وتىردى. ءماسىموۆ ونىڭ اكتيۆتەرىن شىعارۋمەن اينالىستى، ياعني ايگىلى قازاقگەيتتەن كەيىن ەۋروپادان شىعاردى، سونداي-اق، ەسكى قازاقستاننىڭ اكتيۆتەرىن وڭتۇستىك-شىعىس ازيا، جۇڭگو، شانحاي، گونكونگ، امىرلىكتەرگە جىبەرۋمەن اينالىستى. ءماسىموۆ بارلىق ترانزاكسيانى اشىپ، ەسەسىنە باسىنا بوستاندىق سۇراسا، وعان كەشىرىم بەرۋ كەرەك دەپ ويلايمىن"، – دەدى ءماجىلىس دەپۋتاتى ەرمۇرات باپي.
ءباپيدىڭ پىكىرىنشە، كارىم ءماسىموۆ قاڭتار وقيعاسىن ۇيىمداستىرا المادى. ونىڭ ايتۋىنشا، ءماسىموۆ شىن مانىندە نە بولعانىن بايانداپ، باستى ۇيىمداستىرۋشىنىڭ اتىن اتاۋى كەرەك.
"شىعارىلعان اكتيۆتەر تۋرالى اقپاراتتى ءبىلۋ ونى تۇرمەدە ۇستاۋدان گورى ماڭىزدى. ونىڭ قاماۋدا وتىرعانىنان حالىققا ەشقانداي پايدا جوق"، - دەيدى باپي.
ال 2023 جىلى 24 ساۋىردە استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتى ق ر ۇلتتىق قاۋىپسىزدىك كوميتەتىنىڭ ەكس-توراعاسى كارىم ماسىموۆكە، ۇلتتىق قاۋىپسىزدىك كوميتەتى ءتوراعاسىنىڭ ەكس-ورىنباسارلارى ءانۋار سادىقۇلوۆ، داۋلەت ەرعوجين، مارات وسيپوۆكە قاتىستى قىلمىستىق ءىس بويىنشا ۇكىم شىعارعان بولاتىن.
سوت ءىستى "اسا قۇپيا" دەگەن بەلگىمەن قارادى. كارىم ءماسىموۆ ق ر قىلمىستىق كودەكسىنىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگىنىڭ 3-تارماعى بويىنشا كىنالى دەپ تانىلىپ، 18 جىل باس بوستاندىعىنان ايرىلدى. سونىمەن قاتار، مەملەكەتتىك قىزمەتتە ءومىر بويى قىزمەت ەتە المايتىنى جانە مۇلكى تاركىلەنەتىنى ايتىلدى. كارىم ءماسىموۆ بۇعان قوسا گەنەرال شەنى مەن مەملەكەتتىك ناگرادالارىنان ايىرىلدى.
ال ونىڭ ورىنباسارى داۋلەت ەرعوجين قىلمىستىق كودەكستىڭ 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلىپ، 15 جىلعا باس بوستاندىعىنان ايىرىلدى.
كەيىن اپەللياسيالىق ساتى ك.ماسىموۆكە، ا. سادىقۇلوۆقا جانە د. ەرعوجينگە قاتىستى ءبىرىنشى ساتىداعى سوت ۇكىمىن قاۋىپسىزدىگى ەڭ جوعارى مەكەمەدەن قاۋىپسىزدىگى ورتاشا مەكەمەدە جازاسىن وتەۋ بويىنشا وزگەرتتى.
