قىزىلوردادا مەملەكەت باسشىسى قاسىم-جومارت توقاەۆتىڭ تٶراعالىعىمەن ۇلتتىق قۇرىلتايدىڭ V وتىرىسى ٶتتٸ, دەپ حابارلايدى Dalanews.kz.
️قاسىم-جومارت توقاەۆ ەلدەگٸ اۆتوكٶلٸك جولدارىن حالىقارالىق ستاندارتتارعا ساي جاڭعىرتۋ ايرىقشا ماڭىزدى مٸندەت ەكەنٸن مەلٸمدەدٸ.
"بۇل, بٸرٸنشٸدەن, قازاقستاننىڭ باتىس پەن شىعىس اراسىنداعى ترانزيت دەلٸزٸ رەتٸندەگٸ رٶلٸن ارتتىرا تٷسەدٸ. ەكٸنشٸدەن, وبلىستار اراسىنداعى كٶلٸك بايلانىسىن بارىنشا جاقسارتادى. جاقىندا قىزىلوردا – جەزقازعان جولىنىڭ قىزىلورداعا تيەسٸلٸ بٶلٸگٸ سالىنىپ بٸتتٸ. جىل سوڭىنا دەيٸن ۇلىتاۋ وبلىسىنداعى بٶلٸگٸندە كٶلٸك قوزعالىسى تولىق اشىلادى. جولدىڭ جالپى ۇزىندىعى – شامامەن 400 شاقىرىم. ەڭ باستىسى, بيىل ەلٸمٸزدە بۇرىن-سوڭدى بولماعان اۋقىمدى ينفراقۇرىلىمدىق جوبالار باستالادى", - دەدٸ توقاەۆ.
پرەزيدەنتتٸڭ پٸكٸرٸنشە, "باتىس قىتاي – باتىس ەۋروپا" – قازاقستانداعى ەڭ نەگٸزگٸ جولدىڭ بٸرٸ.
"الايدا ونىڭ قىزىلوردا – اقتٶبە اراسىنداعى بٶلٸگٸ تار, كٶلٸك اپاتتارى جيٸ بولىپ جاتادى. مەن وسىعان دەيٸن بۇل جولدى كەڭەيتۋ تۋرالى تاپسىرما بەردٸم. بيىل وسى باعىتتا تٶرت جولاقتى جاڭا كٷرە جولدىڭ قۇرىلىسى باستالادى. قازٸرگٸ جولدىڭ كٶبٸ وبلىستاردىڭ ٸشكٸ جولى بولىپ قالا بەرەدٸ. سونداي-اق, مەن بىلتىرعى جولداۋىمدا "بەينەۋ – سەكسەۋٸل" جولىنىڭ قۇرىلىسىن تەزدەتۋدٸ تاپسىرعانىمدى بٸلەسٸزدەر. ونداعى جۇمىستار دا بيىل باستالماق. جوبا جٷزەگە اسقان سوڭ "ورتا دەلٸزدٸڭ" قاشىقتىعى 900 شاقىرىمعا قىسقارادى, ياعني, اقتاۋ, قۇرىق پورتتارىنا تۋرا جول اشىلادى", - دەدٸ مەملەكەت باسشىسى.
پرەزيدەنت قاراعاندى – جەزقازعان باعىتىنداعى جول تالاي جىلدان بەرٸ توزىپ تۇرعانىن مەلٸمدەدٸ.
"بيىل ەسكٸ جولدىڭ قاپتالىنا ەكٸ جولاقتى جاڭا جول سالۋعا كٸرٸسەمٸز كەيٸن ەسكٸ جولدى دا جاڭعىرتىپ, تٶرت جولاق ەتۋ جوسپارلانۋدا. بۇدان بٶلەك, سارىاعاش ماڭىنداعى كٶلٸك قوزعالىسى دا ٶتە تىعىز. سوندىقتان, وسى جىلى "سارىاعاش اينالما جولىنىڭ" قۇرىلىسى قولعا الىنادى. بارلىق جۇمىستىڭ ساپالى ەرٸ ۋاقىتىلى ورىندالۋىن تٸكەلەي باقىلاۋدا ۇستايتىن بولامىن. سەبەبٸ بۇل جوبالار قازاقستاننىڭ حالىقارالىق كٶلٸك-لوگيستيكا ورتالىعى رەتٸندەگٸ ەلەۋەتٸن مەيلٸنشە نىعايتا تٷسەدٸ", - دەدٸ توقاەۆ.
