پرەزيدەنت قاسىم-جومارت توقايەۆ ءبىرقاتار ەلشىلىكتە وزگەرىس جاسادى، دەپ حابارلايدى Dalanews.kz.
مەملەكەت باسشىسىنىڭ جارلىقتارىمەن:
- اسەت جەڭىس ۇلى يسەنالي قازاقستان رەسپۋبليكاسىنىڭ كورەيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى؛
- قازاقستان رەسپۋبليكاسىنىڭ تايلاند كورولدىگىندەگى توتەنشە جانە وكىلەتتى ەلشىسى، بۇۇ ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسياسى (ەسكاتو) جانىنداعى قازاقستان رەسپۋبليكاسىنىڭ تۇراقتى وكىلى مارعۇلان باقىت ۇلى بايمۇحان قازاقستان رەسپۋبليكاسىنىڭ ميانما وداعى رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى.
ودان بولەك، مەملەكەت باسشىسىنىڭ جارلىعىمەن نۇرعالي الماسباي ۇلى ارىستانوۆ قازاقستان رەسپۋبليكاسىنىڭ كورەيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلدى.
