اگەنتتىك ءتىلشىسى استانانىڭ اتاۋىن نۇرسۇلتان دەپ وزگەرتۋگە توقايەۆتىڭ باستاماشى بولعانىن، استانا اۋەجايى نۇرسۇلتان دەپ وزگەرگەنىن، قالانىڭ قاق ورتاسىندا نازاربايەۆ ەسكەرتكىشى بارىن ەسكە سالدى.
“تۇڭعىش پرەزيدەنت كۇنى تاعى بار. بۇل جەكە باسقا تابىنۋدىڭ بەلگىسى ەمەس پە؟” دەدى جۋرناليست.
توقايەۆ بۇل ۋاجبەن كەلىسپەدى.
ونىڭ ايتۋىنشا نازاربايەۆ تاريحي تۇلعا. تاۋەلسىز قازاقستاننىڭ ىرگەتاسىن قۇيعان، تۇپتەپ كەلگەندە جاڭا تاريحي جاعدايدا قازاق مەملەكەتتىگىن قالىپتاستىرعان وسى – نازاربايەۆ.
“ءبىز ونىڭ ەڭبەگىن لايىقتى باعالاۋىمىز كەرەك. اسىرا سىلتەدىك دەپ تە سانامايمىن. استانانىڭ اتىن اۋىستىرعانىمىز سىزگە ۇناماي وتىرعان سەكىلدى”، – دەدى پرەزيدەنت تىلشىگە قاراتا.
ونىڭ ويىنشا مۇندا جەكە باسقا تابىنۋ بەلگىسى جوق. توقايەۆ استانانىڭ اتاۋى نازاربايەۆ ورىن بوساتقاننان كەيىن بارىپ وزگەرگەنىن، قالانىڭ دامۋى بۇرىنعى پرەزيدەنتتىڭ ەسىمىمەن بايلانىستى ەكەنىن ەسكە سالدى.
