پرەزيدەنت كەشە اشحاباد قالاسىنا باردى، دەپ حابارلايدى Dalanews.kz.
حالىقارالىق بەيبىتشىلىك جانە سەنىم جىلىنا ارنالعان فورۋمعا قاتىسۋ ءۇشىن اشحاباد قالاسىنا بارعان مەملەكەت باسشىسى قاسىم-جومارت توقايەۆتى تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ قارسى الدى.
اۋەجايدا قاسىم-جومارت توقايەۆ پەن گۋربانگۋلى بەردىمۇحامەدوۆ كەلىسسوز جۇرگىزدى.
مەملەكەت باسشىسى تۇرىكمەنستان پرەزيدەنتى سەردار بەردىمۇحامەدوۆتىڭ جاقىندا قازاقستانعا جاساعان مەملەكەتتىك ساپارىنا وڭ باعا بەرىپ، جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋدىڭ ماڭىزدى ەكەنىن اتاپ ءوتتى.
گۋربانگۋلى بەردىمۇحامەدوۆ تۇرىكمەنستاننىڭ تۇراقتى بەيتاراپتىعىنىڭ 30 جىلدىعىنا ورايلاستىرىلعان فورۋمعا قاتىسۋعا كەلگەنى ءۇشىن قازاقستان پرەزيدەنتىنە ريزاشىلىعىن ءبىلدىرىپ، ەكىجاقتى كۇن ءتارتىبىنىڭ نەگىزگى ماسەلەلەرىنە توقتالدى.
