مەملەكەت باسشىسى اباي وبلىسىنىڭ اكىمى بەرىك ءۋاليدى قابىلدادى، دەپ حابارلايدى Dalanews.kz.
وبلىس اكىمىنىڭ بايانداماسىنان:
- جەرگىلىكتى بيۋدجەتتىڭ شىعىس جانە كىرىس بولىگىنە جان-جاقتى تالداۋ جۇرگىزىلگەن. ۇنەمدەلگەن قاراجات وزەكتى ماسەلەلەردى شەشۋگە جۇمسالادى؛
- 2028 جىلعا دەيىن جالپى قۇنى 2،2 تريلليون تەڭگە بولاتىن جانە 8 مىڭنان استام جۇمىس ورنىن اشۋعا مۇمكىندىك بەرەتىن 24 ينۆەستيسيالىق جوبانىڭ ءتىزىمى جاساقتالعان؛
- «جايلى مەكتەپ» ۇلتتىق جوباسى اياسىندا 5 نىساننىڭ جانە وقۋشىلار سارايىنىڭ قۇرىلىسى قولعا الىنعان؛
- اسپالى كوپىردى رەكونسترۋكسيالاۋدىڭ جوبالىق-سمەتالىق قۇجاتتاماسى ازىرلەنىپ، ەرتىس وزەنى ارقىلى وتەتىن تاعى ءبىر كوپىر سالىنىپ جاتىر؛
- سەمەي قالاسىندا اينالما جول سالۋ ماسەلەسى پىسىقتالۋدا.
مەملەكەت باسشىسى وبلىس اكىمىنە ۇكىمەتپەن بىرگە ءوڭىردى قارقىندى دامىتۋ جولدارىن قاراستىرىپ، وزەكتى ماسەلەلەردى كەزەڭ-كەزەڭىمەن شەشۋدى تاپسىردى.
قاسىم-جومارت توقايەۆ وڭدەۋ ونەركاسىبىن وركەندەتۋ، جاڭادان تۇراقتى جۇمىس ورىندارىن اشۋ، وبلىس ورتالىعىن اباتتاندىرۋ جانە ينفراقۇرىلىمدى دامىتۋ باعىتىندا شارالار قابىلداۋ قاجەت ەكەنىنە توقتالدى.
