حالىقارالىق قورعا قانشا قاراجات جينالعانىن سەناتتا "حالىقارالىق قازاق تٸلٸ" قوعامدىق بٸرلەستٸگٸنٸڭ پرەزيدەنتٸ راۋان كەنجەحانۇلى ايتىپ بەردٸ.حالىقارالىق قورعا قانشا قاراجات جينالعانىن سەناتتا "حالىقارالىق قازاق تٸلٸ" قوعامدىق بٸرلەستٸگٸنٸڭ پرەزيدەنتٸ راۋان كەنجەحانۇلى ايتىپ بەردٸ, دەپ حابارلايدى Dalanews.kz تٸلشٸسٸ Ulysmedia.kz سايتىنا سٸلتەمە جاساپ.
ايتا كەتەيٸك, سەناتتا بٷگٸن QAZAQ OXFORD DICTIONARY سٶزدٸگٸنٸڭ تۇساۋكەسەرٸ ٶتكەن. قازاق-اعىلشىن سٶزدٸگٸ تانىستىرىلدى. راۋان كەنجەحانۇلى سٶز اراسىندا QAZAQ TILI Endowment Qory حالىقارالىق "قازاق تٸلٸ" قوعامدىق قورىنا بٸرٸنشٸ بولىپ ٶز قالتاسىنان جارنا سالعان – مەملەكەت باسشىسى دەيدٸ.
كەسٸپكەرلەر بار, ورتا بار – سوعان ٷن قوسىپ, قازٸردٸڭ ٶزٸندە بٸر جارتى ملرد تەڭگەدەي قاراجات جينالىپ قالدى. ونداعى ويىمىز – ول قاراجات جۇمسالمايدى. ول باسقارىلادى. سول ارقىلى كٷندەلٸكتٸ قىزمەتٸمٸزگە, تٷرلٸ جوبالارعا نەگٸز بولاتىن بٸر قور بولسا دەگەن وي. ول بٸزدٸڭ ويدان شىعارعان نەرسە ەمەس, دٷنيەدە بار نەرسە, - دەيدٸ ول.
تٷركييادا تٸل قورى بار. تاريح قورى دا جۇمىس ٸستەيدٸ. يسپانيياداعى "سەرۆانتەس", قىتايداعى "كونفۋتسيي", رەسەيدەگٸ "رۋسسكيي مير" ينستيتۋتتارى وسى ٷلگٸدە قىزمەت اتقارادى.
سوندىقتان, بٸز وسى تەجٸريبەنٸ قازاقستانعا دا ەنگٸزۋگە تاپپىنىس جاساپ جاتىرمىز, - دەيدٸ كەنجەحانۇلى.
