ٶزبەكستان پرەزيدەنتٸ شاۆكات ميرزييوەۆتٸ تاقتان تايدىرعىسى كەلگەندەردٸڭ قاراسى كٶپ بولعان. بۇل تۋرالى پرەزيدەنت ٶزٸ ايتىپ بەردٸ, دەپ جازادى kznews.kz.
اۋدارما: "قىشلاقتان كەلگەن (كٸسٸ) قاشان كەتەدٸ ەكەن?" دەگەن ٷلكەن كٷرەس بولدى.
بٸر كٷنٸ تاڭەرتەڭ ەكٸ ەلدٸڭ پرەزيدەنتتەرٸ كەلٸپ, ۇلىقبەك ەسكەرتكٸشٸنە گٷل قويۋى كەرەك ەدٸ.
تاڭعى ساعات جەتٸگە ون مينۋت قالعاندا ماعان قابىلداۋ بٶلمەسٸنەن تەلەفون سوقتى: "شاۆكات ميرومونوۆيچ, ۇلىقبەكتٸڭ باسىن الىپ تاستاپتى", – دەدٸ.
– قانداي باس? قانداي ۇلىقبەك? – دەيمٸن.
– ەسكەرتكٸشتٸڭ باسىن كەسٸپ الىپتى, – دەيدٸ.
ساعات ونعا ون مينۋت قالعاندا كورتەج كەلەدٸ, پرەزيدەنت يران پرەزيدەنتٸمەن كەلەدٸ, ال ەسكەرتكٸشتٸڭ باسى جوق. وسىمەن بٸرگە ميرزييوەۆتٸڭ دە "باسى كەتەدٸ" (جۇمىستان شىعادى) دەپ ەسەپتەلگەن.
قىسقاسى, جەتٸدەن جيىرما مينۋت ٶتكەندە جەتٸپ باردىم. ساعات وندا پرەزيدەنتتەر كەلۋٸ كەرەك. ەسكەرتكٸشتٸڭ باسى جوق. ول ەسكەرتكٸش گيپستەن جاسالعان بولاتىن. مۇنى كٸم ٸستەگەنٸن بٸردەن تٷسٸندٸم – بۇل كٸشكەنتاي ادامداردىڭ ٸسٸ ەمەس. ٶيتكەنٸ مۇنداي نىساندار پرەزيدەنت كەلەر الدىندا كٷزەتكە الىنادى. مۇنى ميرزييوەۆتٸ قۇرتقىسى كەلگەن ارنايى ۇيىمداردىڭ ٶزدەرٸ ٸستەگەن.
مەن كٷندە گازەت وقيتىنمىن. سول كەزدە "ۆەچەرنيي تاشكەنت" گازەتٸنەن حيرۋرگييا ورتالىعىندا يبن سينانىڭ ەسكەرتكٸشٸنٸڭ استىن بۇزاقىلار قازىپ, ٸشٸنە ۇيا سالىپ العانى تۋرالى ماقالا وقىعانىم ەسٸمە تٷستٸ.
سودان "سول ەسكەرتكٸش تە گيپستەن بولۋى كەرەك" دەپ ويلادىم. كٶلٸگٸمە وتىرىپ, ٷيگە بارىپ, ارا (پيلا) بار ما دەپ سۇرادىم. ەكٸ-ٷش ارانى الىپ, جولدا تٶلە بي (چيلنوزور) كٶشەسٸندە تۇراتىن بٸر مٷسٸنشٸ تانىسىمدى الىپ, حيرۋرگييا ورتالىعىنا باردىق. تاڭەرتەڭ بەرٸ ۇيىقتاپ جاتقاندا, يبن سينا ەسكەرتكٸشٸنٸڭ باسىن كەسٸپ الىپ كەلدٸك.
ەندٸ, قۇداي ساقتاسىن, ەسٸمە تٷسٸپ كەتتٸ... ول باستى ەكەلدٸم, بٸراق بٸز جاساعان ۇلىقبەكتٸڭ مٷسٸنٸنٸڭ دەنەسٸ سەل ٷلكەندەۋ ەكەن, باسى تٷسٸپ كەتە بەرەدٸ. سودان گيپستەن "شارف" جاساپ, باسىن بەكٸتتٸك. بٸر جارىم ساعاتتىڭ ٸشٸندە بەرٸن بٸتٸردٸك.
ساعات توعىزعا ون مينۋت قالعاندا ەلگٸلەر (قارسىلاستارىم) مەنٸڭ جۇمىستان كەتكەنٸمە 100 پايىز سەنٸممەن كەلدٸ.
– ۇلىقبەكتٸڭ باسى قايدا? – دەپ ماعان قاراپ سٶيلەپ تۇر, ەسكەرتكٸشكە قارامايدى.
– باس ورنىندا تۇر عوي – دەدٸم.
قاراسا – باسى دا تۇر, ەسكەرتكٸش تە تۇر.
مەن نە ايتقىم كەلەدٸ: مٸنە, جاستار وتىرسىڭدار. بۇل كٷندەرگە جەتۋ وڭاي بولعان جوق, بۇل – ٷلكەن كٷرەس".
