ولاردىڭ ءبارى بۇرىن اۋىر جانە اسا اۋىر قىلمىستار بويىنشا سوتتى بولعاندار.

دەسترۋكتيۆتى ءدىني اعىمنىڭ بەس ءىزباسارى قاماۋعا الىندى، دەپ حابارلايدى Dalanews.kz ق ر ۇقك باسپا ءسوز قىزمەتىنە سىلتەمە جاساپ.

"2020 جىلى 27 قاڭتاردا ق ر ۇلتتىق قاۋىپسىزدىك كوميتەتى قاراعاندى ​​مەن تارازدا لاڭكەستىك كۇدىگىمەن دەسترۋكتيۆتى ءدىني اعىمنىڭ بەس ءىزباسارىن ۇستادى، ولار سوت سانكسياسىمەن ەكى ايعا قاماۋعا الىندى. ولاردىڭ ءبارى بۇرىن اۋىر جانە اسا اۋىر قىلمىستار بويىنشا سوتتى بولعاندار"، - دەپ اتاپ ءوتتى دەپارتامەنتتەگىلەر.

بۇل ادامدارعا قاتىستى ق ر قىلمىستىق كودەكستىنىڭ 257-بابى، ياعني "تەرروريستىك توپتى قۇرۋ، وعان باسشىلىق ەتۋ جانە ونىڭ قىزمەتىنە قاتىسۋ"، سونداي-اق 256-باپ، ياعني "تەرروريزمدى ناسيحاتتاۋ" بويىنشا قىلمىستىق ءىس قوزعالدى.

تەرگەۋشىلەردىڭ ايتۋىنشا، بۇل توپ رەسپۋبليكامىزدا حالىق كوپ جينالاتىن جەرلەردە تەراكت جاساۋ ماقساتىندا قۇرىلعان. تەرگەۋ ءجۇرىپ جاتىر.